പൂത്തലനിരപ്പ് റോഡ്; പ്രതിഷേധം ശക്തം

അടിമാലി: തകര്‍ന്ന വെള്ളത്തൂവല്‍-പൂത്തല നിരപ്പ് റോഡിന്റെ പുനരുദ്ധാരണം നടത്താത്തതില്‍ പ്രതിഷേധം. പ്രളയകാലം മുതല്‍ തകര്‍ന്ന റോഡാണിത്. കുണ്ടുംകുഴിയും നിറഞ്ഞ റോഡിലൂടെയുള്ള യാത്ര പ്രദേശവാസികള്‍ക്കും ഓട്ടോറിക്ഷ തൊഴിലാളികള്‍ക്കും ഇരുചക്രവാഹന യാത്രികര്‍ക്കുമൊക്കെ പറഞ്ഞറിയിക്കാനാകാത്ത യാത്രക്ലേശം സമ്മാനിക്കുന്നു. റോഡിലൂടെയുള്ള യാത്രക്കിടെ വാഹനങ്ങള്‍ക്ക് കേടുപാടുകള്‍ സംഭവിക്കുന്നത് പതിവാണ്​. ഇന്ധനവില വര്‍ധനവിനൊപ്പം വാഹനങ്ങളുടെ അറ്റകുറ്റപ്പണിക്ക്​ പിന്നെയും തുക ചെലവഴിക്കേണ്ടിവരുന്നതായി ഡ്രൈവർമാർ പറയുന്നു. നിരവധി കുടുംബങ്ങള്‍ ആശ്രയിച്ചുപോരുന്ന ഈ റോഡിന്റെ നിര്‍മാണകാര്യത്തില്‍ ബന്ധപ്പെട്ടവര്‍ ഇടപെടണമെന്ന ആവശ്യം ശക്തമാണ്​. -------- idl adi 2 road ചിത്രം: നിര്‍മാണം കാത്തുകിടക്കുന്ന വെള്ളത്തൂവല്‍-പൂത്തല നിരപ്പ് റോഡ്