ഹൈഡൽ പാർക്കിലെ സാഹസിക വിനോദം നിർത്തലാക്കി

മൂന്നാർ: ഹൈഡൽ ടൂറിസം വകുപ്പും മൂന്നാർ സർവിസ് സഹകരണ ബാങ്കും തമ്മിലുണ്ടായിരുന്ന കരാർ റദ്ദാക്കിയതോടെ പഴയ മൂന്നാറിലെ ഹൈഡൽ പാർക്കിൽ നടന്നുവന്ന സാഹസിക വിനോദസഞ്ചാര പരിപാടി നിർത്തലാക്കി. ഹൈഡൽ ടൂറിസം വകുപ്പിന്​ കീഴിലെ പാർക്കിൽ സർവിസ് സഹകരണ ബാങ്കാണ് ഉപകരണങ്ങൾ സ്ഥാപിച്ചത്. ഇതിന്‍റെ വരുമാനത്തിൽ 90 ശതമാനം ബാങ്കിനും ബാക്കി ഹൈഡൽ ടൂറിസം വകുപ്പിനും നൽകാനായിരുന്നു കരാർ. എന്നാൽ, ഇത് വലിയ നഷ്ടമുണ്ടാക്കുന്നതായി ബോധ്യപ്പെട്ടതോടെയാണ്​ കരാർ റദ്ദാക്കി ഡയറക്ടർ ഉത്തരവിറക്കിയത്.