പൈപ്പ് പൊട്ടി ശുദ്ധജലം പാഴാകുന്നു

പീരുമേട്: ജലവിതരണ വകുപ്പിന്‍റെ പൈപ്പ് ലൈൻ പൊട്ടിയൊഴുകാൻ തുടങ്ങിയിട്ട്​ ഒരുമാസം ആകുന്നു. മിനി സിവിൽ സ്​റ്റേഷന്​ സമീപമാണ് പൈപ്പ് ലൈൻ പൊട്ടിയത്. വലിയ തോതിലാണ്​ ശുദ്ധജലം പാഴാകുന്നത്​. ഹെലിബേറിയ പദ്ധതിയിലെ ട്രീറ്റ്മൻെറ് പ്ലാന്‍റിൽ ശുദ്ധീകരിച്ച് വിതരണം ചെയ്യുന്ന വെള്ളമാണ് നഷ്ടമാകുന്നത്. പ്രദേശവാസികളും ജനപ്രതിനിധികളും ഇതേക്കുറിച്ച് ജലവിതരണ അതോറിറ്റി ഉദ്യോഗസ്ഥരെ അറിയിച്ചെങ്കിലും നടപടി ഉണ്ടായിട്ടില്ല. വൻതോതിൽ വെള്ളം പാഴാകുന്നതിനാൽ ഉയർന്ന സ്ഥലങ്ങളിൽ ജലക്ഷാമം രൂക്ഷമാണ്.