കംഫർട്ട് സ്റ്റേഷൻ വീണ്ടും തുറന്നു

മൂന്നാർ: പഞ്ചായത്ത്​ ബസ് സ്റ്റാൻഡിലെ ശൗചാലയം വീണ്ടും തുറന്നു. പതിനഞ്ച് വർഷം മുമ്പ് ഇവിടെ ഡി.ടി.പി.സി കംഫർട്ട് സ്റ്റേഷൻ ആരംഭിച്ചെങ്കിലും അധികം വൈകാതെ അടച്ചു. ഇതോടെ യാത്രക്കാർ വിഷമത്തിലായി. നിരന്തര പരാതികളെ തുടർന്നാണ് കഴിഞ്ഞ ദിവസം തുറന്നത്. പോസ്റ്റ് ഓഫിസ് കവലയിൽ ബസ് സ്റ്റാൻഡും ടാക്സി സ്റ്റാൻഡും പ്രവർത്തിക്കുന്നുണ്ട്. എന്നാൽ യാത്രക്കാർക്ക് പ്രാഥമിക ആവശ്യങ്ങൾ നിറവേറ്റാൻ സൗകര്യവുമില്ലായിരുന്നു.