തൊഴിലാളികൾ സഞ്ചരിച്ച ജീപ്പ് മറിഞ്ഞ്​ ഏഴുപേർക്ക് പരിക്ക്

അടിമാലി: ഏലത്തോട്ടം തൊഴിലാളികളുമായി പോയ ജീപ്പ് മറിഞ്ഞ്​ ഏഴ് തൊഴിലാളികൾക്ക് പരിക്ക്​. ഇവരെ അടിമാലി താലൂക്ക് ആശുപത്രിയിൽ പ്രവേശിപ്പിച്ചു. പണിക്കൻകുടി സ്വദേശികളായ തുനത്തേൽ ഇയൻ (49), പടിക്കപറമ്പിൽ ശ്യാമള (48), ഇടശ്ശേരിയിൽ ഓമന (50), പുതുപറമ്പിൽ ബിൻസി (57), പൊടികാട്ടിൽ മോളി (48), തച്ചുപറമ്പിൽ എൽസമ്മ (49), കവർ മുണ്ടയിൽ അനു (50) എന്നിവർക്കാണ് പരിക്കേറ്റത്. ശനിയാഴ്ച വൈകീട്ട്​ ആറോടെ പണിക്കൻകുടിക്ക് സമീപമാണ്​ അപകടം. ആരുടെയും പരിക്ക് ഗുരുതരമല്ല.