ഏലം വിലയിടിവ്; കിസാൻസഭ നിവേദനം നൽകി

തൊടുപുഴ: ഏലം വിലയിടിവ് തടയണമെന്നാവശ്യപ്പെട്ട് അഖിലേന്ത്യ കിസാൻസഭ ജില്ല കമ്മിറ്റി സ്പൈസസ് ബോർഡ് ചെയർമാന് നിവേദനം നൽകി. വിലത്തകർച്ച ജില്ലയിലെ മലയോര ജനതയുടെ ജീവിതത്തെ ദോഷകരമായി ബാധിച്ചെന്ന് നിവേദനത്തിൽ ചൂണ്ടിക്കാട്ടി. കേന്ദ്ര - സംസ്ഥാന സർക്കാറുകളുടെയും കേന്ദ്ര വാണിജ്യ മന്ത്രാലയത്തിന്‍റെയും സ്പൈസസ് ബോർഡിന്‍റെയും സംയുക്ത ഇടപെലിൽ ഏലം വിലത്തകർച്ച തടയാൻ വിലസ്ഥിരത ഫണ്ട് രൂപവത്​കരിക്കുകയും അതിനായി സ്പൈസസ് ബോർഡ് മുൻകൈ എടുക്കുകയും വേണം. ഏലക്ക ലേലം സ്പൈസസ് ബോർഡ് നേരിട്ട് നടത്തണം. കിലോക്ക്​​ 2500 രൂപ തറവില നിശ്ചയിക്കണമെന്നും കിസാൻസഭ ആവശ്യപ്പെട്ടു. ചിത്രം TDL KISANSABHA ഒളിമ്പിക് ഗെയിംസ് സമാപനം റദ്ദാക്കി തൊടുപുഴ: ജില്ലയിൽ കോവിഡ് വ്യാപനം കൂടിയ സാഹചര്യത്തിൽ ജില്ല ഒളിമ്പിക് ഗെയിംസിന്‍റെ സമാപന ചടങ്ങ് നടന്നില്ല. ബുധനാഴ്ച വൈകീട്ട്​ നാലിന്​ മുട്ടം റൈഫിൾ ക്ലബിൽ വെച്ച് നടത്താൻ നിശ്ചയിച്ചിരുന്ന സമാപന സമ്മേളനമാണ്​ ഉപേക്ഷിച്ചത്​.