ബൈക്കപകടത്തിൽ പരിക്കേറ്റു

കാഞ്ഞാർ: ബൈക്കുകൾ കൂട്ടിയിടിച്ച് രണ്ടുപേർക്ക് പരിക്ക്. മൂലമറ്റം എ.കെ.ജി ഭാഗത്ത് താമസിക്കുന്ന പാറയിൽമഠം ശ്യാം (26), കാഞ്ഞാർ കട്ടയ്ക്കൽ ജോസ്​ തോമസ് (50) എന്നിവർക്കാണ് പരിക്കേറ്റത്. തിങ്കളാഴ്​ച രാവിലെ ഒമ്പതിന് കാഞ്ഞാർ ടൗണിന് സമീപമായിരുന്നു അപകടം. മുലമറ്റം ഭാഗത്തുനിന്ന്​ വന്ന ബൈക്കുകൾ കൂട്ടിയിടിക്കുകയായിരുന്നു. ശ്യാമിന്‍റെ കാലിന് സാരമായി പരിക്കേറ്റു. മൂലമറ്റം അഗ്നിരക്ഷാസേനയുടെ ആംബുലൻസ് എത്തിയാണ് ശ്യാമിനെ തൊടുപുഴയിലെ സ്വകാര്യ ആശുപത്രിയിൽ എത്തിച്ചത്. ജോസ് തോമസിനെ പ്രാഥമിക ചികിത്സക്കുശേഷം വിട്ടയച്ചു. കാഞ്ഞാർ പൊലീസ് നടപടി സ്വീകരിച്ചു.