പെണ്‍കുട്ടികളുടെ സ്വയം പ്രതിരോധ പരിശീലനം

നെടുങ്കണ്ടം: സമഗ്രശിക്ഷ കേരള നടപ്പാക്കിവരുന്ന ഏഴുമുതല്‍ 12വരെ ക്ലാസുകളിലെ പെണ്‍കുട്ടികളുടെ സ്വയം പ്രതിരോധ പരിശീലന പരിപാടിയുടെ ജില്ലതല ഉദ്ഘാടനം നെടുങ്കണ്ടം ബിആര്‍.സിയുടെ നേതൃത്വത്തില്‍ നടന്നു. പഞ്ചായത്ത് പ്രസിഡന്‍റ്​ ശോഭന വിജയന്‍ ഉദ്ഘാടനം ചെയ്തു. സമഗ്ര ശിക്ഷ ജില്ല പ്രാജക്ട്​ കോഓഡിനേറ്റര്‍ ഡി. ബിന്ദുമോള്‍ അധ്യക്ഷതവഹിച്ചു. പോഗ്രാം ഓഫിസര്‍ കെ.എ. ബിജുമോന്‍, ബ്ലോക് പ്രോജക്ട് കോഓഡിനേറ്റര്‍ പി.കെ. ഗംഗാധരന്‍, ബി.ആര്‍.സി ട്രെയിനര്‍ ഗോകുല്‍രാജ് തുടങ്ങിയവര്‍ സംസാരിച്ചു. തുടര്‍ന്ന്​ വിവിധ വിദ്യാലയങ്ങളിലെ കുട്ടികളുടെ ജൂഡോ, കരാട്ടേ എക്‌സിബിഷന്‍ നടന്നു.