കുതിരയുടെ ചവിട്ടേറ്റ് വിനോദസഞ്ചാരിക്ക് പരിക്കേറ്റു

മൂന്നാർ: സവാരി . പഞ്ചാബ് സ്വദേശിയായ യുവാവിനാണ് ഫോട്ടോ പോയന്‍റിൽ സവാരിക്ക് നിർത്തിയിരിക്കുന്ന കുതിരയുടെ ചവിട്ടേറ്റത്. തിങ്കളാഴ്ച്ച ഉച്ചയോടെയായിരുന്നു സംഭവം. സവാരിക്ക് നിർത്തിയിരിക്കുന്ന കുതിരയുടെ അടുത്തേക്ക് വിനോദസഞ്ചാരി എത്തിയപ്പോഴായിരുന്നു ആക്രമണം. കൈകാലുകൾക്ക് പരിക്കേറ്റ യുവാവിന്​ മൂന്നാറിലെ ടാറ്റാ ജനറൽ ആശുപത്രിയിൽ പ്രാഥമിക ചികിത്സനൽകി. കഴിഞ്ഞ ആഴ്ച്​ മാട്ടുപ്പെട്ടിയിൽ മറ്റൊരു കുതിര വിനോദസഞ്ചാരിയെ കടിച്ച് പരിക്കേൽപിച്ചിരുന്നു. സവാരിക്കെത്തിക്കുന്ന കുതിരകൾ കൂടുതൽ ഇണക്കമുള്ളവ ആകണമെന്നാണ് വ്യവസ്ഥ. ഇതിന്‍റെ നടത്തിപ്പുകാർക്ക് മതിയായ പരിശീലനവും ഉണ്ടായിരിക്കണം. എന്നാൽ, മൂന്നാറിലുള്ള കുതിരകൾ ഇത്തരത്തിൽ മനുഷ്യരോട് ഇണക്കമുള്ളവയല്ലെന്നും നടത്തിപ്പുകാർക്ക് വേണ്ടത്ര പരിശീലനമില്ലെന്നും ആക്ഷേപമുണ്ട്.