കുട്ടിക്കാനം ജങ്ഷനിൽ മാലിന്യക്കൂമ്പാരം

പീരുമേട്: മൂക്കുപൊത്താതെ കുട്ടിക്കാനം ജങ്​ഷനിൽ നിൽക്കാനാവാത്ത സ്ഥിതി. ഇവിടെ സൗകര്യമില്ലാത്തതിനാൽ രാത്രിയിലെത്തുന്നവർ പ്രാഥമികാവശ്യങ്ങൾ നിർവഹിക്കുന്നത് റോഡ് വക്കിലാണ്. ബ്ലോക്ക്​ പഞ്ചായത്തിന്‍റെ കംഫർട്ട് സ്റ്റേഷന്‍റെ പ്രവർത്തനം പകൽ മാത്രമാണ്. വൈകീട്ട് ആറുമുതൽ രാവിലെ എട്ടുവരെ പ്രവർത്തിക്കുന്ന കടകളും ഉള്ളതിനാൽ വൻ തിരക്കാണ് രാത്രിയിൽ അനുഭവപ്പെടുന്നത്. അധികൃതർ ഇടപെട്ട്​ പ്രദേശം വൃത്തിയാക്കണമെന്നാണ്​ ആവശ്യം.