ഭവനസമുച്ചയം താക്കോൽദാനം നാളെ

അടിമാലി: രാജാക്കാട് ലയൺസ് ക്ലബിന്‍റെ നേതൃത്വത്തിൽ മമ്മട്ടിക്കാനത്ത് നിർമാണം പൂർത്തിയാക്കിയ ഭവന സമുച്ചയത്തിന്‍റെ താക്കോൽ ദാനം 17ന് ഉച്ചക്ക്​ 12ന് നടക്കും. ലയൺസ് ഇന്റർനാഷനൽ ഡയറക്ടർ വി.പി. നന്ദകുമാർ താക്കോൽദാനം നിർവഹിക്കും. പ്രളയത്തിൽ വീട് തകർന്നവരും വാസയോഗ്യമായ വീടില്ലാത്തവരുമായ എട്ട്​ കുടുംബങ്ങൾക്കാണ് വീടുകൾ ഒറ്റ കോമ്പൗണ്ടിൽ നിർമിച്ചിട്ടുള്ളത്. താക്കോൽദാന ചടങ്ങിൽ ലയൺസ് 318 സി ഡിസ്ട്രിക്ട്​ ഗവർണർ വി.സി. ജെയിംസ് അധ്യക്ഷത വഹിക്കും. മുൻ ഇന്‍റർനാഷനൽ ഡയറക്ടർ ആർ. മുരുകൻ മുഖ്യപ്രഭാഷണം നടത്തും. idl adi 2 club ചിത്രം: രാജാക്കാട് ലയൺസ് ക്ലബിന്‍റെ നേതൃത്വത്തിൽ നിർമാണം പൂർത്തിയാക്കി താക്കോൽദാനം നിർവഹിക്കുന്ന സ്നേഹഭവന സമുച്ചയം