കേരള ബാങ്കിലേക്ക് മാര്‍ച്ച് ഇന്ന്​

ചെറുതോണി: മൂന്നുലക്ഷം രൂപ വരെയുള്ള കാര്‍ഷിക-കാര്‍ഷികേതര വായ്പകളും മൂന്ന് ലക്ഷത്തിനുമേലുള്ള വായ്പകളുടെ പലിശയും എഴുതിത്തള്ളാന്‍ ഇടുക്കി പാക്കേജില്‍നിന്ന്​ 2000 കോടി നീക്കിവെക്കുക, കാര്‍ഷികോൽപന്നങ്ങള്‍ക്ക് ന്യായവില ലഭ്യമാക്കുക, വന്യമൃഗശല്യം തടയുക തുടങ്ങിയ ആവശ്യങ്ങളുന്നയിച്ച്​ കേരള കോണ്‍ഗ്രസ് ഇടുക്കി നിയോജകമണ്ഡലം കമ്മിറ്റി നേതൃത്വത്തില്‍ വെള്ളിയാഴ്ച ചെറുതോണിയില്‍ കര്‍ഷക മാര്‍ച്ചും ധര്‍ണയും നടക്കും. രാവിലെ 10.30ന് ടൗണ്‍ഹാള്‍ ജങ്​ഷനില്‍നിന്ന്​ ആരംഭിക്കുന്ന മാര്‍ച്ച് ജില്ല പ്രസിഡന്‍റ് പ്രഫ. എം.ജെ. ജേക്കബ് ഉദ്​ഘാടനം ചെയ്യും. 11.30ന് കേരളബാങ്കിന്​ മുന്നില്‍ ധര്‍ണ പാര്‍ട്ടി ഡെപ്യൂട്ടി ചെയര്‍മാന്‍ കെ. ഫ്രാന്‍സിസ് ജോര്‍ജ് ഉദ്ഘാടനം ചെയ്യും.