സമരക്കാർ അസഭ്യം പറയുന്നെന്ന്​ പഞ്ചായത്ത് പ്രസിഡന്‍റ്​

മൂന്നാർ: പഞ്ചായത്ത് ഓഫിസ് പടിക്കൽ സമരം ചെയ്യുന്ന കോൺഗ്രസ് പ്രവർത്തകർ അസഭ്യം പറയുന്നതായി വനിത പഞ്ചായത്ത് പ്രസിഡന്‍റിന്‍റെ പരാതി. മൂന്നാർ ഗ്രാമപഞ്ചായത്ത് പ്രസിഡന്‍റ്​ പ്രവീണ രവികുമാറാണ് വനിതകമീഷനും പൊലീസിനും പരാതി നൽകിയത്. കൂറുമാറിയ പഞ്ചായത്ത് അംഗങ്ങൾ രാജിവെക്കണമെന്ന് ആവശ്യപ്പെട്ട് കോൺഗ്രസിന്‍റെ നേതൃത്വത്തിൽ 100ദിന സമരം നടത്തുകയാണ്. സമരപ്പന്തലിൽ ഇരിക്കുന്ന പ്രവർത്തകർ താൻ വരുമ്പോൾ അസഭ്യം പറയുകയും ആക്രമിക്കാൻ ഒരുങ്ങുകയുമാണെന്നാണ്​ പ്രവീണയുടെ പരാതി.