തോട്ടം തൊഴിലാളികളുടെ പെൻഷൻ പ്രായം ഉയർത്തണം –എ.കെ. മണി

മൂന്നാർ: തോട്ടം തൊഴിലാളികളുടെ പെൻഷൻ പ്രായം 60ആയി ഉയർത്തുന്നതിലൂടെ ഉൽപാദനക്ഷമത കുറയില്ലെന്ന് സൗത്ത് ഇന്ത്യൻ പ്ലാന്‍റേഷൻ വർക്കേഴ്സ് യൂനിയൻ പ്രസിഡന്‍റ്​ എ.കെ. മണി. യൂനിയൻ ജനറൽ കൗൺസിൽ യോഗത്തിൽ സംസാരിക്കുകയായിരുന്നു അദ്ദേഹം. തോട്ടം തൊഴിലാളികളുടെ പെൻഷൻ പ്രായം 58ൽനിന്ന്​ 60 വയസ്സായി ഉയർത്താൻ കഴിഞ്ഞ ഫെബ്രുവരിയിൽ പ്ലാന്‍റേഷൻ ലേബർ കമ്മിറ്റി ചർച്ച ചെയ്തതാണ്. എന്നാൽ, മാനേജ്മൻെറ് ചർച്ച നീട്ടിക്കൊണ്ടുപോയി. പുതുതലമുറ തോട്ടം മേഖലയിൽനിന്ന്​ വിട്ടുനിൽക്കുന്നതും ഗൗരവത്തോടെ കാണണം. ഐ.എൻ.ടി.യു.സി സംസ്ഥാന സെക്രട്ടറി ജി. മുനിയാണ്ടി, ആർ. കറുപ്പസാമി, ഡി. കുമാർ, എം.ജെ. ബാബു, സിന്ത മുത്താർ മൊയ്തീൻ, എ. ആൻഡ്രൂസ്, മുരുകപ്പാണ്ടി, മണി മൊഴി, പി. ജയരാജ്, കനകമ്മാൾ, എസ്. വിജയകുമാർ, ചെല്ലപ്പാണ്ടി തുടങ്ങിയവർ സംസാരിച്ചു.