എം.വി.ഐ.പി കനിഞ്ഞാൽ കാഞ്ഞാറും വികസിക്കും

കാഞ്ഞാർ: തൊടുപുഴയിൽനിന്ന്​ 16 കിലോമീറ്റർ മാത്രം അകലെയുള്ള കാഞ്ഞാർ മേഖലയിൽ സ്ഥലപരിമിതി വികസന പ്രവർത്തനങ്ങൾക്ക്​ തടസ്സം സൃഷ്ടിക്കുന്നു. ആശുപത്രി, കളിക്കളം, സ്​റ്റാൻഡ്​, മാർക്കറ്റ് തുടങ്ങിയവയൊന്നും ഇവിടെയില്ല. പാതയോരത്താണ് ടാക്​സി സ്റ്റാൻഡ്​ സ്ഥിതിചെയ്യുന്നത്. കാഞ്ഞാർ ടൗണിൽ എം.വി.ഐ.പിയുടെ കൈവശം നാല്​ ഏക്കറോളം സ്ഥലം വെറുതെ കിടക്കുന്നുണ്ട്​. ഇത്​ പഞ്ചായത്തിന് വിട്ടുനൽകുകയൊ പഞ്ചായത്ത് വാങ്ങുകയാ ചെയ്താൽ കാഞ്ഞാറിന്‍റെ വികസനം​ വേഗത്തിലാക്കാമെന്നാണ്​ ചൂണ്ടിക്കാണിക്കപ്പെടുന്നത്​. നിലവിൽ എം.വി.ഐ.പിയിൽനിന്ന്​ പഞ്ചായത്ത് കെട്ടിടത്തിന് ആവശ്യമായ സ്ഥലം മാത്രമാണ് വിട്ടുകിട്ടിയിട്ടുള്ളത്. മൂലമറ്റം വൈദ്യുതി നിലയം സ്ഥാപിച്ചശേഷം അവിടെ നിന്ന്​ പുറത്തേക്കുവിടുന്ന വെള്ളം ഒഴുകുന്ന ഇരുകരകളും എം.വി.ഐ.പി ഏറ്റെടുക്കുകയായിരുന്നു. ഈ പ്രദേശങ്ങൾ പലതും ഇപ്പോൾ അനാഥമായി കിടക്കുകയാണ്. ഈ സ്ഥലങ്ങൾ ഏറ്റെടുത്ത് വികസനത്തിന് ഉപയോഗപ്പെടുത്തണമെന്നാണ് ആവശ്യം. tdl mltm 2 കാഞ്ഞാറിൽ റോഡരികിൽ സ്ഥിതിചെയ്യുന്ന ടാക്സി സ്റ്റാന്‍ഡ്​