തൊഴിലുറപ്പ് പദ്ധതിയിൽ ക്രമക്കേട്: പണം തിരിച്ചുപിടിക്കണമെന്ന്​ പഞ്ചായത്ത് കമ്മിറ്റി

കട്ടപ്പന: അയ്യപ്പൻകോവിൽ പഞ്ചായത്തിലെ തൊഴിലുറപ്പ് പദ്ധതിയിൽ ക്രമക്കേട് നടത്തിയവരിൽനിന്ന്​ പണം തിരിച്ചുപിടിക്കാൻ ജപ്തി നടപടി സ്വീകരിക്കണമെന്ന് പഞ്ചായത്ത് കമ്മിറ്റി. പഞ്ചായത്തിലെ തൊഴിലുറപ്പ് പദ്ധതിയുമായി ബന്ധപ്പെട്ട്​ സിറ്റിസൺ ഇൻഫർമേഷൻ ബോർഡ്​ സ്ഥാപിച്ചതിൽ 2.85 ലക്ഷം രൂപയുടെ ക്രമക്കേട് നടന്നതായി ഓഡിറ്റിങ്ങിൽ കണ്ടെത്തിയിരുന്നു. ക്രമക്കേട് നടത്തിയ പണം തിരിച്ചടക്കാത്ത സാഹചര്യത്തിലാണ്​ ക്രമക്കേട് നടത്തിയവരിൽനിന്ന്​ പണം തിരിച്ചുപിടിക്കാൻ ജപ്​തി നടപടി സ്വീകരിക്കണമെന്ന് പഞ്ചായത്ത് കമ്മിറ്റി കലക്ടർക്ക്​ ശിപാർശ നൽകിയത്.