ബൂത്ത്​ നിറഞ്ഞു; പ്ലാസ്​റ്റിക്കുകൾ നീക്കണം

- അധികൃതർ അറിയാൻ- അടിമാലി: കുഞ്ചിത്തണ്ണി ടൗണിലെ പ്ലാസ്​റ്റിക്​ കുപ്പികൾ നീക്കംചെയ്ത് പരിസരം വൃത്തിയാക്കണമെന്ന ആവശ്യം ശക്തമായി. വെള്ളത്തൂവൽ പഞ്ചായത്ത് കുഞ്ചിത്തണ്ണി ടൗണിൽ അക്ഷയകേന്ദ്രത്തിനും തപാൽ ഓഫിസിനും മുന്നിലാണ് പ്ലാസ്​റ്റിക്​ കുപ്പികൾ ശേഖരിക്കാൻ ബൂത്ത് സ്ഥാപിച്ചിരിക്കുന്നത്. ബൂത്തി​ൻെറ മുക്കാൽ ഭാഗത്തോളം കുപ്പി നിറഞ്ഞുകിടക്കുകയാണ്. പരിസരം മുഴുവൻ കാട്​ വളർന്നുനിൽക്കുകയാണ്. ബൂത്തിനുള്ളിലെ കുപ്പികൾ നീക്കംചെയ്യുന്നതിനും പരിസരം വൃത്തിയാക്കുന്നതിനും പഞ്ചായത്ത് നടപടി സ്വീകരിക്കണമെന്നാണ് പ്രദേശവാസികളുടെ ആവശ്യം.