മൂന്നാറിൽ വീണ്ടും കാട്ടാന ശല്യം; കാർ തകർത്തു

മൂന്നാർ: കാട്ടാനകൾ വീണ്ടും മൂന്നാറിലെ നാട്ടുകാരുടെ ഉറക്കം കെടുത്തുന്നു. ഞായറാഴ്ച പുലർച്ചയെത്തിയ ഒറ്റയാൻ ചൊക്കനാട് എസ്​റ്റേറ്റിലെ കാർ തകർത്തു. കാട്ടാനകൾ മൂന്നാർ നിവാസികൾക്ക് ഭീഷണിയായിട്ട് മാസങ്ങളായി. ഒരാഴ്ച മുമ്പ് ടൗണിലിറങ്ങിയ കാട്ടാനക്കൂട്ടം പഴക്കട തകർത്ത് അരലക്ഷം രൂപയുടെ നഷ്​ടം വരുത്തിയിരുന്നു. ഞായറാഴ്ച പുലർച്ച മൂന്നിന്​ ചൊക്കനാട് എസ്​റ്റേറ്റിലെത്തിയ ഒറ്റയാൻ വീടിനടുത്ത് പാർക്ക് ചെയ്തിരുന്ന സതീശ​ൻെറ കാറി​ൻെറ ചില്ലാണ് തകർത്തത്. മേഖലയിൽ പതിവായി ആനയിറങ്ങുന്ന സ്ഥലമാണ് ചൊക്കനാട്. ഇവിടെ കട നടത്തുന്ന പുണ്യവേലി​ൻെറ പലചരക്ക് കട 14 തവണയാണ് കാട്ടാനക്കൂട്ടം തകർത്തത്. ഇതുവരെ ലക്ഷക്കണക്കിന് രൂപയുടെ നഷ്​ടം സംഭവിച്ചിട്ടും ഒരു രൂപ പോലും നഷ്​ടപരിഹാരം നൽകാൻ അധികൃതർ തയാറായിട്ടില്ല. ചിത്രം 1 കാട്ടാന തകർത്ത കാർ