അവധിയുടെ മറവിൽ മലയിടിക്കുന്നതായി പരാതി

ചെറുതോണി: കഞ്ഞിക്കുഴി പിള്ളസിറ്റിയില്‍ മലയിടിച്ച്​ മണ്ണുവില്‍പന നടത്തുന്നതായി പരാതി. മണ്ണു മാറ്റുന്നതിനു ജിയോളജി വകുപ്പി‍ൻെറ അനുമതിയാവശ്യമാണ്. എന്നാല്‍, പട്ടയമില്ലാത്ത ഭൂമിയില്‍നിന്ന് നൂറുകണക്കിന്​ ലോഡ് മണ്ണാണ് മലയിടിച്ച് എടുത്തുമാറ്റുന്നതെന്നാണ്​ പരാതി. രാത്രിയാണ് മണ്ണുമാറ്റുന്നത്. മാനദണ്ഡങ്ങള്‍ പാലിക്കാതെ മണ്ണെടുക്കുന്നതിനെതിരെ നാട്ടുകാര്‍ പരാതി നല്‍കിയെങ്കിലും ഒരു നടപടിയുമെടുത്തിട്ടില്ല. റവന്യൂ വകുപ്പ് അധികാരികളുടെ അറിവോടെയാണ് മലയിടിച്ച് മണ്ണുമാറ്റുന്നതെന്ന് പ്രദേശവാസികള്‍ പറയുന്നു. ഇതിനെതിരെ റവന്യൂ മന്ത്രിക്കു പരാതി നല്‍കുമെന്നും നാട്ടുകാർ പറഞ്ഞു.