ധർണ ഇന്ന്​

ധർണ ഇന്ന്​ തൊടുപുഴ: തൊടുപുഴ-അഞ്ചിരി-ആനക്കയം റൂട്ടിൽ 10​ ടണ്ണിലധികം ഭാരമുള്ള വാഹനങ്ങൾ നിരോധിക്കുക, റോഡ്​ ബി.എം.ബി.സി നിലവാരത്തിൽ ടാർ ചെയ്​ത്​ ഗതാഗതയോഗ്യമാക്കുക, റോഡിലെ സംരക്ഷണഭിത്തിയും കലുങ്കുകളും അടിയന്തരമായി പുനർനിർമിക്കുക എന്നീ ആവശ്യങ്ങൾ ഉന്നയിച്ച്​ സേവ്​ അഞ്ചിരി ആക്​ഷൻ ഫോറത്തി​ൻെറ നേതൃത്വത്തിൽ ശനിയാഴ്​ച രാവിലെ 11ന്​ തൊടുപുഴ പി.ഡബ്ല്യു.ഡി അസി. എക്​സിക്യൂട്ടിവ്​ എൻജിനീയറുടെ ഒാഫിസിന്​ മുന്നിൽ ധർണ നടത്തും. മാസ്​റ്റർപ്ലാൻ: സി.പി.എം ജാഥ ജനവഞ്ചന -യു.ഡി.എഫ്​ തൊടുപുഴ: നഗരസഭ മാസ്​റ്റർ പ്ലാൻ ജെസി ആൻറണി കൗൺസിലിൽ അവതരിപ്പിച്ചപ്പോൾ സർവാത്മന പിന്തുണച്ച സി.പി.എം ഇപ്പോൾ യു.ഡി.എഫിനെതിരെ ജാഥ നടത്തുന്നത് ജനവഞ്ചനയാണെന്ന് യു.ഡി.എഫ് കൗൺസിലർമാരായ കെ. ദീപക്, എം.എ. കരീം, ജോസഫ് ജോൺ എന്നിവർ ആരോപിച്ചു. മാസ്​റ്റർ പ്ലാൻ അംഗീകരിച്ച കൗൺസിലിൽ ഇപ്പോൾ എൽ.ഡി.എഫിലുള്ള ജെസി ആൻറണി ഉൾപ്പെടെ 35ൽ 21പേർ എൽ.ഡി.എഫ്, ബി.ജെ.പി അംഗങ്ങളായിരുന്നു. മാസ്​റ്റർപ്ലാൻ ജനങ്ങളുടെ മേൽ അടിച്ചേൽപിച്ച ജെസി ആൻറണി ഇപ്പോൾ എൽ.ഡി.എഫിൽ ആയതിനാൽ അവരെ വെള്ളപൂശി പാപഭാരം യു.ഡി.എഫിന് മേൽ വെക്കാനുള്ള ശ്രമം വിലപ്പോകില്ല. മാസ്​റ്റർ പ്ലാനിലെ ഭൂരിപക്ഷം പദ്ധതികളും ഒഴിവാക്കേണ്ടി വരുന്ന സാഹചര്യത്തിൽ സമഗ്രമായ പ്ലാൻ തയാറാക്കാൻ വിദഗ്ധ ഏജൻസിയെ ഏൽപിക്കണം. മാസ്​റ്റർപ്ലാനിനെതിരെ സമരം ചെയ്യുന്ന സംഘടനകൾക്കും പ്രസ്ഥാനങ്ങൾക്കും യു.ഡി.എഫ് പിന്തുണ നൽകും. എൽ.ഡി.എഫ്, ബി.ജെ.പി നിലപാടുകൾക്കെതിരെ പൊതുയോഗം സംഘടിപ്പിച്ച്​ പ്രചാരണം നടത്തുമെന്നും നേതാക്കൾ അറിയിച്ചു.