വാഹനം പിടിച്ചെടുത്തു

തൊടുപുഴ: രജിസ്​ട്രേഷൻ നടത്താതെ ഉപയോഗിച്ച വാഹനം മോ​ട്ടോർ വാഹന വകുപ്പ്​ അധികൃതർ പിടിച്ചെടുത്തു. വ്യാഴാഴ്​ച രാവിലെ വെങ്ങല്ലൂർ കവലയിൽ നടത്തിയ പരിശോധനയിലാണ്​ വാഹനം പിടികൂടിയത്​. ഏപ്രിലിൽ കർണാടകയിൽനിന്ന്​ ​താൽക്കാലിക രജിസ്​ട്രേഷൻ എടുത്ത​ വാഹനം 24,000 കിലോമീറ്റർ ഉപയോഗിച്ചതായി കണ്ടെത്തി. ടാക്​സ്​ ഇനത്തിലും പിഴയിനത്തിലുമായി 15,000 രൂപ ഈടാക്കി. എൻഫോഴ്​സ്​മൻെറ്​ ആർ.ടി.ഒ പി.എ. നസീർ, എം.വി.ഐമാരായ അബ്​ദുൽ ജലീൽ, രാ​േംദവ്​ പെരിയാർ എന്നിവർ പ​ങ്കെടുത്തു. ജില്ല ആശുപത്രിയില്‍ ഒഴിവുകള്‍ തൊടുപുഴ: ജില്ല ആശുപത്രിയില്‍ ഹോസ്പിറ്റല്‍ മാനേജ്മൻെറ്​ കമ്മിറ്റി മുഖാന്തരം താല്‍ക്കാലിക ഒഴിവിലേക്ക് ഉദ്യോഗാർഥികളെ ക്ഷണിച്ചു. അനസ്തറ്റിക് ടെക്നീഷന്‍ -1, ഫാര്‍മസിസ്​റ്റ് -1 എന്നിവയാണ്​ നിലവിലെ ഒഴിവുകൾ. വാട്സ്ആപ് നമ്പര്‍, വിലാസം, യോഗ്യത, പ്രവൃത്തി പരിചയം, എന്നിവ സഹിതമുള്ള അപേക്ഷയും യോഗ്യത സര്‍ട്ടിഫിക്കറ്റുകളുടെ പകർപ്പും സഹിതം ഡിസംബര്‍ 20നകം prodhthodupuzha@gmail.com എന്ന വിലാസത്തില്‍ ഇ-മെയില്‍ അയക്കണം. വിവരങ്ങൾക്ക്:​ 04862 222630. സാക്ഷ്യപത്രം ഹാജരാക്കണം തൊടുപുഴ: നഗരസഭയില്‍നിന്ന്​ വിധവ പെന്‍ഷന്‍/ 50 വയസ്സ്​​ കഴിഞ്ഞ അവിവാഹിതരായ സ്ത്രീകള്‍ക്കുള്ള പെന്‍ഷന്‍ എന്നിവ കൈപ്പറ്റുന്ന 60 വയസ്സില്‍ താഴെയുള്ള എല്ലാ ഗുണഭോക്താക്കളും പുനര്‍വിവാഹം/വിവാഹം ചെയ്തിട്ടില്ലെന്ന് തെളിയിക്കുന്ന ഗസറ്റഡ് ഓഫിസര്‍/വില്ലേജ് ഓഫിസര്‍ നല്‍കുന്ന സാക്ഷ്യപത്രം, ആധാര്‍ കാര്‍ഡി​ൻെറ പകര്‍പ്പ് എന്നിവ ഡിസംബര്‍ 31നു മുമ്പ്​ നഗരസഭ ഓഫിസില്‍ ഹാജരാക്കണം. സാക്ഷ്യപത്രം ഹാജരാക്കാത്ത ഗുണഭോക്താക്കള്‍ക്ക് പെന്‍ഷന്‍ തുക തുടര്‍ന്ന് ലഭിക്കില്ലെന്ന് നഗരസഭ സെക്രട്ടറി അറിയിച്ചു.