കള്ളിമാലി വ്യൂ പോയൻറ്​ പദ്ധതി അനിശ്ചിതാവസ്ഥയിൽ

അടിമാലി: രാജാക്കാട് പഞ്ചായത്തിലെ . ഇവിടെ നടത്തി വന്ന വികസന പ്രവർത്തനങ്ങൾ മുടങ്ങിക്കിടക്കുകയാണ്. പൊന്മുടി ജലാശയത്തി​ൻെറയും തുരുത്തി​ൻെറയും മനോഹര ദൃശ്യം ആസ്വദിക്കാൻ കഴിയുന്ന കള്ളിമാലി വ്യൂ പോയൻറ്​ വികസിപ്പിക്കാൻ 2012ൽ ഉമ്മൻ ചാണ്ടി സർക്കാർ 1. 18 കോടി അനുവദിച്ചിരുന്നു. ആദ്യഘട്ടത്തിൽ അനുവദിച്ച 50 ലക്ഷം രൂപയിൽ 25 ലക്ഷം രൂപ ഡി.ടി.പി.സിക്ക് കൈമാറി. ടെൻഡർ എടുത്ത കമ്പനിക്ക് 12.5 ലക്ഷം രൂപ മുൻകൂറായി നൽകിയെങ്കിലും സ്ഥലത്തി​ൻെറ ഉടമസ്ഥാവകാശം സംബന്ധിച്ച തർക്കമുണ്ടെന്നുപറഞ്ഞ് പദ്ധതി തുടങ്ങിയില്ല. സ്ഥലം വിട്ടുനൽകാൻ നാട്ടുകാർ തയാറായിട്ടും പദ്ധതി അട്ടിമറിക്കാൻ ചില ജനപ്രതിനിധികളും ഉദ്യോഗസ്ഥരും ശ്രമിച്ചുവെന്ന് ആക്ഷേപമുണ്ട്​. പദ്ധതിക്ക് ആവശ്യമായ സ്ഥലംനൽകാൻ സ്വകാര്യ വ്യക്തി തയാറായില്ലെന്നാണ് ഡി.ടി.പി.സി അധികൃതർ പറയുന്നത്. മൂന്നുവർഷം മുമ്പ്​ നെടുങ്കണ്ടം ബ്ലോക്ക് പഞ്ചായത്ത് സ്ഥിരം സമിതി ചെയർമാനായിരുന്ന റെജി പനച്ചിക്കൽ മുൻകൈയെടുത്ത് ബ്ലോക്ക് പഞ്ചായത്ത് ഫണ്ടുപയോഗിച്ച് കള്ളിമാലി വ്യൂ പോയൻറിന്​ സമീപം വിശ്രമമുറിയും ശുചിമുറികളും നിർമിക്കുന്നതിന് 23 ലക്ഷം രൂപ അനുവദിച്ചു. ഇത് മാത്രമാണ് ആകെയുണ്ടായ വികസനം. കള്ളിമാലി വ്യൂ പോയൻറിലേക്കുള്ള വഴിയിൽ നിർമിച്ച കവാടത്തി​ൻെറ നിർമാണം പൂർത്തിയാക്കാൻപോലും അധികൃതർക്ക് കഴിഞ്ഞില്ല.