ആയിരമേക്കറിന് സമീപത്തെ കൊടുംവളവ് വീതികൂട്ടണമെന്ന് ആവശ്യം

അടിമാലി: അടിമാലി കുമളി ദേശീയപാതയില്‍ ആയിരമേക്കറിന് സമീപം കൊടുംവളവില്‍ വീതി വര്‍ധിപ്പിക്കണമെന്ന് ആവശ്യം. വളവിനോട് ചേര്‍ന്ന് മണ്ണിടിഞ്ഞ് കിടക്കുന്നതാണ്​ അപകടങ്ങൾക്കിടയാക്കുന്നത്​. തൊട്ടടുത്തെത്തുമ്പോഴെ എതിര്‍ദിശയില്‍നിന്ന് വരുന്ന വാഹനങ്ങള്‍ ശ്രദ്ധയില്‍പ്പെടൂ. വീതി കുറവായ ഈ ഭാഗത്ത് പലപ്പോഴും തലനാരിഴക്കാണ് അപകടങ്ങള്‍ ഒഴിവാകുന്നത്. മണ്ണ് നീക്കി വളവിന് വീതി വര്‍ധിപ്പിക്കണമെന്നാണ് പ്രദേശവാസികളുടെയും യാത്രികരുടെയും ആവശ്യം. പാതയോരത്ത് വളര്‍ന്നുനില്‍ക്കുന്ന പൊന്തക്കാടും അപകട സാധ്യത വര്‍ധിപ്പിക്കുന്നു. ഒരുഭാഗത്ത് വലിയ കൊക്കയാണ്. അപകടമൊഴിവാക്കാന്‍ വാഹനം വെട്ടിച്ചുമാറ്റുമ്പോള്‍ വിതികുറവ്​ മൂലം പാതയോരത്തെ കൊക്കയിലേക്ക് നിരങ്ങി നീങ്ങാനുള്ള സാധ്യതയുണ്ട്. നിരന്ന പ്രദേശമായതിനാല്‍ പലപ്പോഴും വാഹനങ്ങള്‍ വേഗതയിലാണ് കടന്ന​ുപോകുന്നത്. ഭാരവാഹനങ്ങള്‍ ഉള്‍പ്പെടെ നിരവധി വാഹനങ്ങളാണ് ഇതുവഴി ദിനംപ്രതി കടന്നുപോകുന്നത്. idl adi 1 road ചിത്രം: ആയിരമേക്കറിൽ അപകടസാധ്യതയുള്ള ഭാഗം