നാർകോട്ടിക് എൻഫോഴ്​സ്മെൻറിന്​ കെട്ടിടം: നടപടി ഇഴയുന്നു

നാർകോട്ടിക് എൻഫോഴ്​സ്മൻെറിന്​ കെട്ടിടം: നടപടി ഇഴയുന്നു അടിമാലി: അടിമാലിയിലെ നാര്‍കോട്ടിക് എന്‍ഫോഴ്‌സ്‌മൻെറ്​ സ്‌ക്വാഡ് ഓഫിസ് വര്‍ഷങ്ങളായി പ്രവര്‍ത്തിക്കുന്നത് വാടക കെട്ടിടത്തിൽ. അപകടാവസ്ഥയിലായ ഈ കെട്ടിടത്തിൽനിന്ന് ഓഫിസ് മാറ്റാൻ നടപടിയില്ല. മൂന്നുപതിറ്റാണ്ട് മുമ്പാണ് ഓഫിസ് വാടക കെട്ടിടത്തിൽ പ്രവർത്തനമാരംഭിച്ചത്​. കഞ്ചാവ് ഉൾപ്പെടെ മാരകമായ ലഹരി വസ്​തുക്കൾ കണ്ടെത്തുകയും നശിപ്പിക്കുകയും ചെയ്യുന്ന ജില്ല ഒാഫിസാണ് ഇത്. അടിമാലിയിൽ പഴയ കാേടതിപ്പടിയിൽ ദേശീയപാതയോരത്തോട് ചേര്‍ന്ന ഈ കെട്ടിടം ശോച്യാവസ്ഥയിലായിട്ട് നാളുകള്‍ പിന്നിട്ടു. പുതിയ കെട്ടിടം നിര്‍മിക്കണമെന്ന ആവശ്യം പരിഗണിക്കപ്പെട്ടില്ല. സ്ഥലലഭ്യതയുമായി ബന്ധപ്പെട്ട കാര്യങ്ങള്‍ അവസാനഘട്ടത്തിലാണെന്ന് പറയുന്നു. നടപടി ഇഴയുകയാണ്. എക്‌സൈസ് സര്‍ക്കിള്‍ ഇന്‍സ്​പെക്​ടർ ഉള്‍പ്പെടെ 21 ജീവനക്കാര്‍ ഈ ഓഫിസില്‍ സേവനം അനുഷ്​ഠിക്കുന്നുണ്ട്​. കേസുകളുമായി ബന്ധപ്പെട്ട തൊണ്ടി മുതല്‍ സൂക്ഷിക്കുന്നതും ജീവനക്കാര്‍ വിശ്രമിക്കുന്നതുമെല്ലാം അപകടാവസ്ഥയിലായ ഈ കെട്ടിടത്തിലാണ്. മഴയത്ത് ചോര്‍ന്നൊലിക്കുന്ന അവസ്ഥയുമുണ്ട്. മേല്‍ക്കൂര പലയിടത്തും ദ്രവിച്ച് ബലക്ഷയം വന്നു​. സ്വന്തമായി കെട്ടിടം യാഥാർഥ്യമായാല്‍ ഓഫിസ് പ്രവര്‍ത്തനം സുഗമമാക്കാമെന്നതിനൊപ്പം സര്‍ക്കാര്‍ ഖജനാവില്‍നിന്ന് വാടകയിനത്തില്‍ നഷ്​ടമാകുന്ന തുകയും ലാഭിക്കാം. idl adi 2 nes ചിത്രം: അടിമാലിയില്‍ പ്രവര്‍ത്തിക്കുന്ന നാര്‍കോട്ടിക് എന്‍ഫോഴ്‌സ്‌മൻെറ്​ സ്‌ക്വാഡ് ഓഫിസ്