മുല്ലപ്പെരിയാർ; എം.പിയുടെ ഉപവാസം സമാപിച്ചു

* എൽ.ഡി.എഫ്​ ജനവഞ്ചന ജനം തിരിച്ചറിഞ്ഞു -പി.ജെ. ജോസഫ്​ ചെറുതോണി: പ്രതിപക്ഷത്തായിരുന്നപ്പോൾ മുല്ലപ്പെരിയാർ ഡാം ജലബോംബാണെന്ന് പറഞ്ഞ സി.പി.എം അധികാരത്തിൽ വന്നപ്പോൾ അപകടഭീഷണിയില്ലെന്ന്​ പറയുന്നതിലെ കാപട്യവും ജനവഞ്ചനയും ജനം തിരിച്ചറിഞ്ഞുവെന്ന്​ മുൻ ജലവിഭവ മന്ത്രികൂടിയായ പി.ജെ. ജോസഫ് എം.എൽ.എ. ഡീൻ കുര്യാക്കോസ് എം.പി ചെറുതോണിയിൽ മുല്ലപ്പെരിയാറിൽ പുതിയ ഡാം നിർമിക്കണമെന്ന്​ ആവശ്യപ്പെട്ട്​ നടത്തിവന്ന 24 മണിക്കൂർ ഉപവാസത്തി​ൻെറ സമാപന സമ്മേളനം ഉദ്​ഘാടനം ചെയ്യുകയായിരുന്നു അദ്ദേഹം. ഇടുക്കി പാർലമൻെറ്​ മണ്ഡലത്തിലുൾപ്പെടെ 40 ലക്ഷത്തോളം ജീവനുകൾക്ക് വില പറയുന്ന ഭരണാധികാരികൾക്കെതിരെ അവസാന ശ്വാസംവരെ പോരാടുമെന്ന് ഡീൻ കുര്യാക്കോസ് എം.പി പറഞ്ഞു. കേരള ജനതയുടെ ജീവനെക്കാൾ തമിഴ്നാടി​ൻെറ സമ്പത്തിലാണ് മുഖ്യമന്ത്രിയുടെ കണ്ണെന്ന് മുൻ കേന്ദ്രമന്ത്രി പി.സി. തോമസ് ആരോപിച്ചു. യു.ഡി.എഫ് ചെയർമാൻ അഡ്വ. എസ്. അശോകൻ അധ്യക്ഷതവഹിച്ചു. ഡി.സി.സി പ്രസിഡൻറ്​ സി.പി. മാത്യു മുഖ്യപ്രഭാഷണം നടത്തി. അഡ്വ.ഇ.എം. ആഗസ്​തി, അഡ്വ. ജോയി തോമസ്, പ്രഫ എം.ജെ. ജേക്കബ്​, മാർട്ടിൻ മാണി, എ .പി. ഉസ്മാൻ, ടി.എം. സലിം, എം.ഡി. അർജുനൻ, ജോൺ നെടിയപാല, ഒ.ആർ. ശശി, എൻ.ഐ. ബെന്നി, വർഗീസ്​ വെട്ടിയാങ്കൽ, എം.കെ. നവാസ്, ഇന്ദു സുധാകരൻ, ആഗസ്തി അഴകത്ത്, ബിജോ മാണി, എം. മോനിച്ചൻ എന്നിവർ സംസാരിച്ചു. ചെറുതോണി ടൗൺ മസ്ജിദ്​ ചീഫ് ഇമാം മുഹമ്മദ് മുഹ്സിൻ സഖാഫി, ദേവസം ബോർഡ് മുൻ അംഗം അനിൽ തറനിലം, മർച്ചൻറ്​ അസോ. ജില്ല സെക്രട്ടറി സണ്ണിപൈമ്പിള്ളി, മലനാട് കർഷക രക്ഷാസമിതി പ്രസിഡൻറ്​ പ്രഫ. ജോസുകുട്ടി ജെ. ഒഴുകയിൽ എന്നിവരും സാന്നിധ്യമറിയിച്ചു. ​TDL DEAN KURIAKOSE എം.പി ഡീൻ കുര്യാക്കോസിന് പി.ജെ. ജോസഫ് നാരങ്ങാനീര് നൽകി ഉപവാസസമരം അവസാനിപ്പിക്കുന്നു -------- അൽ-ഹിമായ റെസ്​ക്യൂ ടീം രൂപവത്​കരിക്കും തൊടുപുഴ: ലജ്​നത്തുൽ മുഅല്ലിമീൻ തൊടുപുഴ മേഖല കമ്മിറ്റി നേതൃത്വം നൽകുന്ന അൽ-ഹിമായ റെസ്​ക്യൂ ടീമി​ൻെറ ഉദ്​ഘാടനവു​ം ഡി.കെ.എൽ.എം തൊടുപുഴ മേഖല ജനറൽ ബോഡിയും പഠന ക്ലാസും ചൊവ്വാഴ്​ച നടക്കും. രാവിലെ ഏഴ്​ മണി മുതൽ കുടയത്തൂർ നൂറുൽ ഹുദാ മദ്​റസ ഹാളിലാണ്​ പരിപാടി. അടിക്കടിയുണ്ടാകുന്ന പ്രകൃതി ദുരന്തങ്ങളിലും മറ്റിതര ദുതിത മേഖലകളിലും അകപ്പെട്ട്​ ദുരിതമനുഭവിക്കുന്നവർക്ക്​ കൈത്താങ്ങാകുക എന്ന ലക്ഷ്യത്തിലാണ്​ സേന രൂപവത്​കരിക്കാൻ തീരുമാനിച്ചതെന്ന്​​ ഭാരവാഹികൾ പറഞ്ഞു. അമ്പത്​ അംഗങ്ങൾ അടങ്ങുന്നതാണ്​ സേന. ദക്ഷിണകേരള ജംഇയ്യതുൽ ഉലമ സംസ്ഥാന സെക്രട്ടറി തൊടിയൂർ മുഹമ്മദ്​ കുഞ്ഞ്​ മൗലവി സമ്മേളനം ഉദ്​ഘാടനം ചെയ്യും. ലജ്​നത്തുൽ മുഅല്ലിമീൻ മേഖല പ്രസിഡൻറ്​ സുലൈമാൻ ദാരിമി അധ്യക്ഷതവഹിക്കും.