എസ്.എന്‍.ഡി.പി സ്‌കൂളിന്​ പുതിയ കെട്ടിടം

അടിമാലി: അടിമാലി എസ്.എന്‍.ഡി.പി വൊക്കേഷനല്‍ ഹയര്‍ സെക്കൻഡറി സ്‌കൂളിന്​ പുതിയ കെട്ടിടമൊരുങ്ങുന്നു. ഓടുമേഞ്ഞ കെട്ടിടം പൊളിച്ച് പകരം ഇരുനില കെട്ടിടമാണ് നിര്‍മിച്ചിരിക്കുന്നത്​. നിര്‍മാണജോലികള്‍ ഏറക്കുറെ പൂര്‍ത്തീകരിച്ച്, ഉദ്ഘാടനത്തിന്​ കാത്തിരിക്കുകയാണെന്ന്​ പ്രിന്‍സിപ്പൽ അജിത പി.എന്‍ പറഞ്ഞു. ഇരുനിലയിലായി ഓഫിസ്​ ഉള്‍പ്പെടെ എട്ട്​ മുറിയാണ് പുതിയ കെട്ടിടത്തിലുള്ളത്. 1992ല്‍ പ്രവര്‍ത്തനമാരംഭിച്ച ഈ സ്​കൂളിൽ സയന്‍സ് അടിസ്ഥാനമാക്കിയുള്ള നാല് കോഴ്‌സാണ് ഉള്ളത്. 240ഓളം വിദ്യാര്‍ഥികള്‍ പഠിക്കുന്നു. idl adi 3 school ചിത്രം: അടിമാലി എസ്.എന്‍.ഡി.പി വൊക്കേഷനല്‍ ഹയര്‍ സെക്കൻഡറി സ്‌കൂളിലെ പുതിയ കെട്ടിടം