ടാങ്കിൽ മാലിന്യം; ജലവിതരണം മുടങ്ങി

പീരുമേട്: കച്ചേരിക്കുന്നിലെ ജലവിതരണ വകുപ്പി​ൻെറ സംഭരണിയിൽ പ്ലാസ്​റ്റിക് കുപ്പികളും മറ്റു മാലിന്യങ്ങളും കണ്ടെത്തി. പീരുമേട് മേഖലയിൽ ജലവിതരണം തടസ്സപ്പെട്ടതിനെത്തുടർന്ന് പരിശോധന നടത്തവേയാണ് പ്ലാസ്​റ്റിക്​ മാലിന്യങ്ങൾ കണ്ടെത്തിയത്. ടാങ്കിൽ വെള്ളം സംഭരിച്ചാണ് വിതരണം നടത്തുന്നത്. സംഭരണി നിറഞ്ഞൊഴുകുകയും പൈപ്പുകളിൽ വെള്ളം എത്താതിരിക്കുകയും ചെയ്​തതോടെ സംഭരണി പരിശോധിക്കുകയായിരുന്നു. മാലിന്യങ്ങൾ നീക്കംചെയ്ത് ജലവിതരണം ആരംഭിച്ചു. സാമൂഹികവിരുദ്ധർ സംഭരണിയിൽ പ്ലാസ്​റ്റിക് കുപ്പികളും മറ്റും നിക്ഷേപിച്ചതിനാലാണ്​ ജലവിതരണം തടസ്സപ്പെട്ടതെന്ന് അതോറിറ്റി അധികൃതർ അറിയിച്ചു.