ഇത് അപകട സൂചന

അധികൃതർ അറിയാൻ അടിമാലി: കൊച്ചി-ധനുഷ്‌കോടി ദേശീയപാതയില്‍ കൂമ്പന്‍പാറ ഭാഗത്ത് സൂചന ബോർഡുകള്‍ കാടുമൂടി. വീതി കുറഞ്ഞ കൊടുംവളവുകള്‍ നിറഞ്ഞ ഭാഗമാണിവിടം. വാഹനമോടിക്കുന്നവര്‍ക്ക് സൂചനബോര്‍ഡുകള്‍ കാണുക പ്രയാസമാണ്​. കൂമ്പന്‍പാറയില്‍ പാതയോരത്ത് സ്ഥാപിച്ച വഴി വിളക്കും കാട് മൂടിക്കഴിഞ്ഞു. നേര്യമംഗലം വനമേഖലയില്‍ പൊന്തക്കാടിനുപുറമെ റോഡിലേക്ക് ചാഞ്ഞുനില്‍ക്കുന്ന ഈറ്റയും ചെറുശിഖരങ്ങളും കാഴ്ച മറയ്​ക്കുന്ന അവസ്ഥയുണ്ട്. വലിയ വാഹനങ്ങളുടെ ഗ്ലാസില്‍ ഇവ വന്നിടിക്കുന്നുമുണ്ട്​. ക്രിസ്​മസ്​ - പുതുവത്സരാഘോഷങ്ങളുടെ ഭാഗമായി വരും ദിവസങ്ങളില്‍ മൂന്നാറിലേക്ക് കൂടുതല്‍ സഞ്ചാരികള്‍ എത്തുന്നതോടെ ദേശീയപാതയില്‍ തിരക്കേറും. അപകട സാധ്യത കണക്കിലെടുത്ത് കാട് വെട്ടിനീക്കുകയും യാത്ര സുഗമമാക്കുകയും വേണമെന്നാണ് ആവശ്യം. idl adi 2 n h ചിത്രം: സൂചന ബോര്‍ഡുകള്‍ കാടുമൂടിയ നിലയില്‍