വനംവകുപ്പിെൻറ ജണ്ടയിടൽ; പ്രതിഷേധവുമായി തൊഴിലാളികൾ

വനംവകുപ്പിൻെറ ജണ്ടയിടൽ; പ്രതിഷേധവുമായി തൊഴിലാളികൾ മൂന്നാർ: ചിന്നക്കനാൽ മേഖലയിലെ വനഭൂമി ജണ്ടയിട്ട് തിരിക്കുന്നതിൽ എതിർപ്പുമായി തൊഴിലാളികൾ. കൊളുക്കുമലക്ക്​ അടുത്തുള്ള നാഗമല ഭാഗത്താണ് എതിർപ്പ് ഉയരുന്നത്. കഴിഞ്ഞ ദിവസങ്ങളിൽ വനപാലകർ വനാതിർത്തി നിർണയിച്ച് ജണ്ട സ്ഥാപിച്ചതാണ് പ്രതിഷേധ കാരണം. അമ്പതോളം തൊഴിലാളികൾ താമസിക്കുന്ന ഭൂമി വനാതിർത്തിക്കുള്ളിലായെന്നാണ് ആക്ഷേപം. ആരാധനാലയങ്ങളും നഷ്​ടപ്പെട്ടതായി ഇവർ പറയുന്നു. തങ്ങൾ നിരവധി വർഷങ്ങളായി ഇവിടെ താമസിക്കുന്നവരാണെന്ന്​ തൊഴിലാളികൾ അവകാശപ്പെടു​ന്നു. അതേസമയം, വനപാലകർ അതിർത്തിനിർണയം തുടരുകയാണ്. കൊളുക്കുമല, നാഗമല മേഖലകളിൽ വരയാടും ആനകളും വിഹരിക്കുന്ന പ്രദേശമാണ്​ ജണ്ടയിട്ട് തിരിക്കുന്നതെന്നാണ് വനം വകുപ്പിൻെറ നിലപാട്. ചിത്രം 1 വനം വകുപ്പ് സ്ഥാപിച്ച ജണ്ടയുടെ സമീപം തൊഴിലാളികൾ