ട്രൈബൽ സ്കൂളിനെ തകർക്കാൻ നീക്കമെന്ന് ആക്ഷേപം

അടിമാലി: സേനാപതി പഞ്ചായത്തിലെ അരിവിളംചാൽ ട്രൈബൽ എൽ.പി സ്കൂളി​ൻെറ പ്രവർത്തനം തകർക്കാൻ ഒരു വിഭാഗം ശ്രമിക്കുന്നതായി ആരോപണം. സ്കൂൾ വളപ്പിൽ അതിക്രമിച്ചുകയറി കളിസ്ഥലം സ്ഥാപിച്ചിരിക്കുകയാണ്. മുമ്പ്​ സ്കൂൾ മുറ്റത്ത് ഉണ്ടായിരുന്ന കളിസ്ഥലം കുട്ടികളുടെ സുരക്ഷ കണക്കിലെടുത്ത് പി.ടി.എ നേതൃത്വത്തിൽ മാറ്റുകയും ചുറ്റുമതിൽ നിർമിക്കുകയും ചെയ്​തിരുന്നു. നിർധന കുടുംബങ്ങളിലെ 120ഓളം കുട്ടികളുടെ ഏക ആശ്രയമാണ് ട്രൈബൽ സ്കൂൾ. സുരക്ഷിതരല്ലെന്ന പേരിൽ പലരും കുട്ടികളെ സ്കൂളിലേക്ക്​ അയക്കാതെ വന്നതോടെയാണ് പൊതുകളിസ്ഥലം മാറ്റി ചുറ്റുമതിൽ നിർമിച്ച് സുരക്ഷിതമാക്കിയത്. സ്കൂളിനോട് ചേർന്ന് പഞ്ചായത്തിന് കളിസ്ഥലം അനുവദിക്കാൻ സ്ഥലം ഉ​െണ്ടന്നിരിക്കെയാണ് ഇത്തരത്തിൽ പക്ഷപാതപരമായ നടപടി സ്വീകരിക്കുന്നതെന്നാണ് സ്കൂൾ സംരക്ഷണ സമിതിയുടെ ആക്ഷേപം. അതേസമയം, കളിസ്ഥലം അനുവദിക്കാനുള്ളിടത്ത് റോഡ് നിർമാണ സാമഗ്രികൾ ഇറക്കിയിരിക്കുകയാണെന്നാണ് പഞ്ചായത്ത് അധികൃതരുടെ വാദം. idl adi 2 school ചിത്രം -പഞ്ചായത്ത് പൊതുകളിസ്ഥലം സ്കൂൾ മുറ്റത്ത് സ്ഥാപിച്ച​േപ്പാൾ