ജമാഅത്തെ ഇസ്‌ലാമി സൗഹൃദ സദസ്സ്​​

കുമളി: മനുഷ്യസാഹോദര്യത്തി​ൻെറയും സമാധാനത്തി​ൻെറയും പച്ചത്തുരുത്താണ്​ ഇസ്​ലാമെന്നും ഇസ്​ലാമി​ൻെറ ചിഹ്നങ്ങളും പദാവലികളും ഉപയോഗിച്ച് ചില ശക്തികൾ രാജ്യത്ത് തെറ്റിദ്ധാരണകൾ പരത്തുകയാണെന്നും ജമാഅത്തെ ഇസ്​ലാമി ഇടുക്കി ജില്ല പ്രസിഡൻറ്​ ഷാജഹാൻ നദ്​വി പറഞ്ഞു. 'ഇസ്​ലാം ആശയസംവാദത്തി​ൻെറ സൗഹൃദ നാളുകൾ' വിഷയത്തിൽ തേക്കടിയിൽ സംഘടിപ്പിച്ച സൗഹൃദ സദസ്സിൽ സംസാരിക്കുകയായിരുന്നു അദ്ദേഹം. പ്രപഞ്ചത്തിലെ നന്മകൾ കണ്ണുതുറന്ന് കാണാനും അത് ഉൾക്കൊണ്ട് മുന്നോട്ടുപോകാനും കഴിഞ്ഞാൽ പ്രശ്നങ്ങളെല്ലാം പരിഹരിക്കപ്പെടുമെന്നും ഓരോ സസ്യജീവജാലങ്ങളിലും മനുഷ്യനുള്ള അറിവ് ദൈവം ഒരുക്കിവെച്ചിട്ടുണ്ടെന്നും മുഖ്യ പ്രഭാഷണം നടത്തിയ ഡയലോഗ് സൻെറർ കേരള പ്രതിനിധി നവാസ് അസ്ഹരി പറഞ്ഞു. ഹൈറേഞ്ച് ഏരിയ പ്രസിഡൻറ്​ എച്ച്. അബ്​ദുൽ റഹീം അധ്യക്ഷതവഹിച്ചു. കുമളി ഷംസുൽ ഇസ്​ലം ജമാഅത്ത് ഇമാം മുജീബ് റഹ്​മാൻ മൗലവി, തേക്കടി ഓർത്തഡോക്​സ്​ ചർച്ച് വികാരി ഫാ. ഏലിയാസ് കോർ എപ്പിസ്കോപ്പ, കുമളി മർത്തോമ ചർച്ച് വികാരി ഫാ. വിജയ്​മാമൻ, വിവിധ സാമൂഹിക സംഘടന പ്രതിനിധികൾ എന്നിവർ ചർച്ചകളിൽ പങ്കെടുത്തു. cap: ജമാഅത്തെ ഇസ്‌ലാമി കുമളിയിൽ സംഘടിപ്പിച്ച സൗഹൃദ സദസ്സിൽ നവാസ് അസ്ഹരി മുഖ്യപ്രഭാഷണം നടത്തുന്നു ..........