മെഡിക്കൽ കോളജിൽ ഓക്സിജൻ വിതരണം പ്രതിസന്ധിയിൽ

ചെറുതോണി: ഇടുക്കി മെഡിക്കൽ കോളജിൽ ഓക്സിജൻ വിതരണം പ്രതിസന്ധിയിലേക്ക്​. ആശുപത്രിക്കാവശ്യമായ ഓക്സിജൻ നൽകിയിരുന്ന സ്വകാര്യ ഏജൻസി 32 ലക്ഷം രൂപ നൽകാനു​െണ്ടന്നുകാണിച്ച് വെള്ളിയാഴ്​ച ആർ.എം.ഒക്ക്​ കത്ത് നൽകി. കഴിഞ്ഞ ആഗസറ്റ് മുതലുള്ള പണം കിട്ടാനു​െണ്ടന്നും ശനിയാഴ്ച മുതൽ നൽകാനാവി​െല്ലന്നും കാണിച്ചാണ് കത്ത്​ നൽകിയിരിക്കുന്നത്. രോഗികൾ കുറവായതിനാൽ ഒരാഴ്ചത്തെ ഓക്സിജൻ കരുതലു​ണ്ട്​. രോഗികളുടെ എണ്ണം വർധിച്ചാൽ രണ്ടുദിവസം കൊണ്ട്​ ഇത്​ തീരുമെന്ന് ആശുപത്രി അധികൃതർ പറഞ്ഞു. മെഡിക്കൽ കോളജിന് ഇനിയും അംഗീകാരം കിട്ടാത്തതിനാൽ സർക്കാർ ഫണ്ടുനൽകുന്നത്​ നിർത്തിയിരിക്കുകയാണ്. ഒന്നരവർഷമായി എച്ച്.എം.സിക്ക് വരുമാനമില്ല. എക്സറെ, ലാബ് എല്ലാം സൗജന്യമാക്കിയതോടെ എച്ച്.എം.സി.യുടെ വരുമാനം കുറഞ്ഞു. മരുന്നുപോലും വാങ്ങാൻ കഴിയാത്ത അവസ്ഥയിലാണ് ഇപ്പോൾ. ഇതിനിടെയാണ്​ ഒാക്​സിജൻ വിതരണവും പ്രതിസന്ധിയിലായത്​. ...................... 150 പേര്‍ക്ക് കോവിഡ് തൊടുപുഴ: ജില്ലയില്‍ വെള്ളിയാഴ്​ച 150 പേര്‍ക്കുകൂടി കോവിഡ് സ്ഥിരീകരിച്ചു. 8.73 ശതമാനമാണ് രോഗ സ്ഥിരീകരണ നിരക്ക്​ (ടി.പി.ആർ). 290 പേർ രോഗമുക്തി നേടി. കേസുകള്‍ പഞ്ചായത്ത് തിരിച്ച്: അടിമാലി അഞ്ച്​, ആലക്കോട് രണ്ട്​, അറക്കുളം എട്ട്​, അയ്യപ്പൻകോവിൽ രണ്ട്​, ചക്കുപള്ളം മൂന്ന്​, ഏലപ്പാറ നാല്​, ഇരട്ടയാർ രണ്ട്​, കഞ്ഞിക്കുഴി രണ്ട്​, കാഞ്ചിയാർ ആറ്​, കരിമണ്ണൂർ 10, കരിങ്കുന്നം ഒന്ന്​, കരുണാപുരം ആറ്​, കട്ടപ്പന ഏഴ്​, കോടിക്കുളം അഞ്ച്​, കൊക്കയാർ മൂന്ന്​, കൊന്നത്തടി നാല്​, കുടയത്തൂർ ഒന്ന്​, കുമാരമംഗലം മൂന്ന്​, കുമളി ആറ്​, മണക്കാട് അഞ്ച്​, മൂന്നാർ രണ്ട്​, മുട്ടം ഒന്ന്​, നെടുങ്കണ്ടം മൂന്ന്​, പീരുമേട് രണ്ട്​, പെരുവന്താനം നാല്​, പുറപ്പുഴ ഒന്ന്​, രാജാക്കാട് നാല്​, രാജകുമാരി ഒന്ന്​, തൊടുപുഴ 10, ഉടുമ്പന്നൂർ മൂന്ന്​, ഉപ്പുതറ ആറ്​, വണ്ടൻമേട് അഞ്ച്​, വണ്ടിപ്പെരിയാർ മൂന്ന്​, വണ്ണപ്പുറം രണ്ട്​, വാത്തിക്കുടി 10, വാഴത്തോപ്പ് രണ്ട്​, വെള്ളത്തൂവൽ രണ്ട്​, വെള്ളിയാമറ്റം നാല്​. ഉറവിടം വ്യക്തമല്ലാത്ത നാല്​ കേസുകൾ സ്ഥിരീകരിച്ചു.