തെരുവുനായ്ക്കള്‍ക്ക് ഭക്ഷണംനൽകിയ വിദ്യാർഥിയെ ഭീഷണിപ്പെടുത്തി

ചെറുതോണി: തെരുവുനായ്ക്കള്‍ക്ക് ആഹാരം കൊടുത്ത വിദ്യാർഥിയെ കലക്​ടറേറ്റിലെ ജീവനക്കാരന്‍ തടഞ്ഞുവെക്കുകയും ഭീഷണിപ്പെടുത്തുകയും ചെയ്തതായി പരാതി. പൈനാവ് കേന്ദ്രീയ വിദ്യാലയത്തിലെ ഒമ്പതാംക്ലാസ് വിദ്യാര്‍ഥി സാമുവല്‍ റോയിയെയാണ്​ (14) തടഞ്ഞു​െവച്ചത്. തിങ്കളാഴ്​ച പതിവുപോലെ ആഹാരവുമായി കലക്​ടറേറ്റിന്​ സമീപം എത്തിയപ്പോഴാണ് സംഭവം​. പിതാവ് റോയി ഇടുക്കി പൊലീസിലും സി. ഡബ്ല്യു.സിയിലും പരാതി നല്‍കി. ലോക്ഡൗണ്‍ കാലത്താണ്​ മൃഗസ്നേഹിയായ സാമുവല്‍ റോയി സ്വന്തമായി ആഹാരം പാകംചെയ്ത് പൈനാവിലും കുയിലുമലയി​െലയും തെരുവുനായ്ക്കള്‍ക്ക് ആഹാരം നല്‍കിത്തുടങ്ങിയത്​. രണ്ടുവര്‍ഷമായി മുപ്പതോളം നായ്ക്കള്‍ക്ക് ആഹാരം നല്‍കുന്നതിന് പലരും സഹായിച്ചിരുന്നു. ----------------- ക്യാപ്ഷന്‍ - TDL107 SAMUVEL തെരുവുനായ്ക്കള്‍ക്ക് ആഹാരം നല്‍കുന്ന സാമുവല്‍ റോയി