തൊടുപുഴയിൽ വഴിയോരക്കച്ചവടക്കാരെ ഒഴിപ്പിച്ചുതുടങ്ങി

കാരിക്കോട്​ ഭാഗത്ത്​ ജീവനക്കാർ ഒഴിപ്പിക്കാനെത്തിയെങ്കിലും കച്ചവക്കാർ എതിർപ്പറിയിച്ചു. തൊടുപുഴ: തൊടുപുഴ നഗരത്തിൽ ഗതാഗതത്തിനും കാൽനടക്കും തടസ്സമായ വഴിയോരക്കച്ചവടം ഒഴിപ്പിച്ചുതുടങ്ങി. തിങ്കളാഴ്​ച കാഞ്ഞിരമറ്റം-മങ്ങാട്ടുകവല ബൈപാസിലെയും മങ്ങാട്ടുകവല ഭാഗത്തെയും മുതലക്കോടം മാവിൻചുവട്​ ഭാഗത്തെയും വഴിയോരക്കച്ചവടങ്ങളാണ്​ നഗരസഭ ആരോഗ്യ വകുപ്പ്​- പൊതുമരാമത്ത്​ വിഭാഗം പൊലീസി​ൻെറ സഹായത്തോടെ ഒഴിപ്പിച്ചത്​. കാരിക്കോട്​ ഭാഗത്ത്​ ജീവനക്കാർ ഒഴിപ്പിക്കാനെത്തിയെങ്കിലും കച്ചവടക്കാർ എതിർപ്പറിയിച്ചു. വെങ്ങല്ലൂർ-കോലാനി മേഖലയിലടക്കം കച്ചവടം തുടരു​േമ്പാഴും തങ്ങളെ മാത്രം ഒഴിപ്പിക്കുന്നതിലെ പ്രതിഷേധം അറിയിച്ചു. തുടർന്ന്​ ഉദ്യോഗസ്ഥർ മടങ്ങി. ​രണ്ടുദിവസംമുമ്പ്​​ വഴിയോരക്കച്ചവടക്കാർക്ക്​ നോട്ടീസ്​ നൽകിയ​േ​ശഷമാണ്​ അധികൃതർ എത്തിയത്​​. വഴിയോരത്ത്​ നിർമിച്ച അനധികൃത കച്ചവട ഷെഡുകൾ രണ്ടുദിവസത്തിനകം പൊളിച്ചുനീക്കണമെന്നും ഇല്ലെങ്കിൽ നഗരസഭ നേതൃത്വത്തിൽ നീക്കുമെന്നും മുന്നറിയിപ്പ്​ നൽകിയിരുന്നു. ഇതേതുടർന്ന്​ ഇവിടെനിന്ന്​ ചിലർ സ്വയം ഒഴിഞ്ഞുപോയി. അല്ലാത്തവരുടെ അനധികൃത നിർമാണങ്ങളാണ്​​ നീക്കിയത്​. വരുംദിവസങ്ങളിൽ വെങ്ങല്ലൂർ-കോലാനി ബൈപാസ്​, പ്രൈവറ്റ്​ ബസ്​ സ്​റ്റാൻഡ്​ പരിസരം, അമ്പലം ബൈപാസ്​ റോഡ്​ എന്നിവിടങ്ങളിൽ അനധികൃതമായി പ്രവർത്തിക്കുന്ന വഴി​യോരക്കച്ചവടങ്ങളും ഒഴിപ്പിക്കുമെന്ന്​ ചെയർമാൻ സനീഷ്​ ജോർജ്​ പറഞ്ഞു. റോഡ് തടസ്സപ്പെടുത്തിയ കച്ചവടങ്ങൾ അപകടങ്ങൾക്കും വലിയ തിരക്കിനും കാൽനടക്കും തടസ്സമാകുന്നെന്ന്​ പരാതികൾ ഉയർന്നിരുന്നു. ------ ​TDL OZIPPIKKAL 1 മുതലക്കോടം മാവിൻചുവട്​ ഭാഗത്ത്​ ഒഴിപ്പിക്കാനെത്തിയ ഉദ്യോഗസ്ഥർ കച്ചവടക്കാരോട്​ സംസാരിക്കുന്നു ----------- ​TDL OZIPPIKKAL 2 ഒഴിപ്പിക്കലിന്​ ഉദ്യോഗസ്ഥരെത്തിയതിനെത്തുടർന്ന്​ കടയുടെ ഭാഗങ്ങൾ കച്ചവടക്കാർതന്നെ നീക്കുന്നു