ഇനി 'നിർഭയമായി' പ്രവർത്തിക്കാം

madhyamam impact * നിർഭയകേന്ദ്രം നിർമിക്കാൻ പാറേമാവ്​ ആയുർവേദ ആശുപത്രിക്ക്​ സമീപം​ അ​നുയോജ്യമായ സ്ഥലം കണ്ടെത്തി തൊടുപുഴ: അതി​ക്രമങ്ങൾക്കിരയാകുന്ന സ്​ത്രീകൾക്കും കുട്ടികൾക്കും അഭയമൊരുക്കുന്ന നിർഭയ വൺ സ്​റ്റോപ് സൻെററിന്​ ജില്ലയിൽ അനുയോജ്യമായ സ്ഥലം കണ്ടെത്തി. നടപടി വേഗത്തിൽ പൂർത്തിയാക്കി കെട്ടിടം നിർമിക്കാൻ ഒരുങ്ങുന്നു. നേരത്തേ കെട്ടിടം പണിയാൻ ജില്ല പഞ്ചായത്ത് സ്ഥലം​ അനുവദിച്ചിരു​ന്നെങ്കിലും അനുയോജ്യമല്ലെന്ന്​ 'മാധ്യമം' കണ്ടെത്തിയിരുന്നു. വിജനമായ സ്ഥലത്തേക്ക്​ സ്​ത്രീകളും കുട്ടികളുമടക്കമുള്ളവർക്ക്​​ എത്തിച്ചേരാൻ പ്രയാസമായിരുന്നു. കെട്ടിടത്തിന്​ കേന്ദ്രസർക്കാർ 48 ലക്ഷം രൂപ അനുവദിച്ച്​ രണ്ടുവർഷമായിട്ടും അനു​േയാജ്യ ഭൂമി കിട്ടാത്തതിനാൽ നിർമാണം നീളുകയായിരുന്നു​. പാറേമാവ്​ ആയുർവേദ ആശുപത്രിക്ക്​ സമീപം​ ഇപ്പോൾ​ 10 സൻെറ്​ സ്ഥലമാണ്​ അനുവദിച്ചത്​. ആശുപത്രി കോമ്പൗണ്ടിനോട്​ ചേർന്ന്​ കെട്ടിടം നിർമിക്കും. സ്ഥലം അളക്കാൻ ഇടുക്കി താലൂക്ക്​ സർവേയർ ചൊവ്വാഴ്​ച എത്തും​. 2019 ഡിസംബറിലാണ്​ ജില്ലയിലെ നിർഭയ വൺ സ്​റ്റോപ്പ്​ സൻെറർ പൈനാവിൽ പഴയ കേന്ദ്രീയ വിദ്യാലയം കെട്ടിടത്തിൽ പ്രവർത്തനം ആരംഭിച്ചത്​. ലൈംഗീകാതിക്രമത്തിനോ ഗാർഹിക പീഡനത്തിനോ ഇരയാകുന്ന സ്​ത്രീകൾക്കും കുട്ടികൾക്കുമുള്ള താൽക്കാലിക അഭയകേന്ദ്രമാണിത്​. താമസത്തിനും ഭക്ഷണത്തിനും പുറമെ ചികിത്സ, കൗൺസലിങ്​, നിയമസഹായം തുടങ്ങിയ എല്ലാവിധ സേവനങ്ങളും 24 മണിക്കൂറും ഇവിടെ ലഭ്യമാണ്​. വരുന്നവരെ രണ്ടാഴ്​ചക്കുശേഷം സാഹചര്യങ്ങൾ മെച്ചപ്പെട്ടാൽ സ്വന്തം വീട്ടിലേക്ക്​ തിരിച്ചയക്കുകയും അല്ലെങ്കിൽ മറ്റ്​ സ്ഥിരം അഭയകേന്ദ്രങ്ങളിലേക്ക്​ മാറ്റുകയുമാണ്​ ചെയ്യുക. കേ​ന്ദ്രത്തിന്​ സ്വന്തമായി കെട്ടിടം പണിയാൻ ആദ്യം അനുവദിച്ച ഭൂമി പാറേമാവ്​ ആശുപത്രി ബസ്​ സ്​റ്റോപ്പിൽനിന്ന്​ അരക്കിലോമീറ്ററോളം ഉള്ളിലേക്ക്​ മാറിയുള്ള വിജനമായ സ്ഥലത്തായിരുന്നു. എന്നാൽ, ബസ്​ സ്​റ്റോപ്പിന്​ സമീപം തന്നെ സ്ഥലം അനുവദിക്കണമെന്നാവശ്യപ്പെട്ട്​ ജില്ല വനിത സംരക്ഷണ ഒാഫിസർ കലക്​ടർക്കും ജില്ല പഞ്ചായത്ത്​ പ്രസിഡൻറിനും കത്തും നൽകിയിരുന്നു​. പാറേമാവ്​ ആശുപത്രി സ്​റ്റോപ്പിൽനിന്ന്​ 100 മീറ്റർ ദൂരത്താണ്​ ഇപ്പോഴത്തെ സ്ഥലം. ഫണ്ടിന്​ തടസ്സങ്ങളൊന്നുമില്ലെന്നും നടപടി പൂർത്തിയായാൽ കെട്ടിട നിർമാണം അടക്കം ഉടൻ പൂർത്തിയാക്കുമെന്നും ജില്ല വനിത സംരക്ഷണ ഒാഫിസർ ലിസി തോമസ്​ പറഞ്ഞു. ---------- ​TDL PAPER CUTTING