ലഹരിക്കെതിരെ ജനകീയ കൂട്ടായ്മ

മൂവാറ്റുപുഴ: സംസ്ഥാന എക്സൈസ് വകുപ്പിന് കീഴിലെ വിമുക്തി ലഹരിവർജന മിഷ​ൻെറ നേതൃത്വത്തിൽ മഞ്ഞള്ളൂർ പഞ്ചായത്തിലെ മണിയന്തടം കോളനിയിൽ ജനകീയ മുഖാമുഖം സംഘടിപ്പിച്ചു. മണിയന്തടം കോളനിയിൽ ലഹരി മാഫിയക്കെതിരെ നിരീക്ഷണം ശക്തമാക്കാനും ജനകീയ പരി​േശാധന നടത്താനും തീരുമാനമായി. ടൂറിസം ഭൂപടത്തിൽ ഇടംപിടിച്ചതോടെ ഇവിടേക്ക് അസമയങ്ങളിൽപോലും അപരിചിതർ എത്തുകയാണെന്ന് കോളനിക്കാർ പരാതിപ്പെട്ടു. കുടുംബശ്രീ-ജാഗ്രത സമിതി അംഗങ്ങൾ, അംഗൻവാടി-ആശ വർക്കർമാർ അടക്കം നിരവധിപേർ മുഖാമുഖത്തിൽ പങ്കെടുത്തു. ജില്ല പട്ടികജാതി വികസന വകുപ്പ്​ സഹകരണത്തോടെ നടത്തിയ പരിപാടിയുടെ ഉദ്ഘാടനം ജില്ല പഞ്ചായത്ത് പ്രസിഡൻറ് ഉല്ലാസ് തോമസ് നിർവഹിച്ചു. ലഹരി മാഫിയ​െക്കതിരെ ജില്ലയിലുടനീളം ജനകീയ കൂട്ടായ്മകൾ രൂപപ്പെടുത്തുമെന്ന്​ അദ്ദേഹം പറഞ്ഞു. മഞ്ഞള്ളൂർ പഞ്ചായത്ത് പ്രസിഡൻറ് ആൻസി ജോസ് അധ്യക്ഷത വഹിച്ചു. മധ്യമേഖല എക്സൈസ് ജോ. കമീഷണർ പി.കെ. സനു മുഖ്യാതിഥിയായി. ബ്ലോക്ക് പഞ്ചായത്ത്​ അംഗം ജോസി ജോളി, പഞ്ചായത്ത് സ്ഥിരം സമിതി ചെയർമാൻ രതീഷ് മോഹൻ, പഞ്ചായത്ത്​ അംഗം സെലിൻ ഫ്രാൻസിസ് തുടങ്ങിയവർ സംസാരിച്ചു. വിമുക്തി മിഷൻ ജില്ല കോഓഡിനേറ്റർ കെ.എ. ഫൈസൽ സ്വാഗതവും പട്ടികജാതി വികസന വകുപ്പ് സീനിയർ ക്ലർക്ക് ശ്രീനാഥ് ശ്രീധരൻ നന്ദിയും പറഞ്ഞു. -------------- ചിത്രം: ലഹരിവിരുദ്ധ പ്രചാരണാർഥം മണിയന്തടം കോളനിയിൽ നടന്ന ജനകീയ മുഖാമുഖം ജില്ല പഞ്ചായത്ത് പ്രസിഡൻറ് ഉല്ലാസ് തോമസ് ഉദ്ഘാടനം ചെയ്യുന്നു EM Mvpa 1 .