റോഡ്​ തകർന്നു; യാത്ര കഠിനം

അടിമാലി: ടൗണില്‍ നിന്നാരംഭിക്കുന്ന അപ്‌സരാകുന്ന് തലമാലി റോഡില്‍ കോണ്‍ക്രീറ്റ് ഇളകിയ ഭാഗത്ത് നിര്‍മാണജോലി നടത്തണമെന്നാവശ്യം. റോഡി​ൻെറ പലഭാഗത്തായി കോണ്‍ക്രീറ്റിളകി വലിയ കുഴികള്‍ രൂപംകൊണ്ടിട്ടുണ്ട്. വലിയ കയറ്റവും കൊടും വളവുകളും നിറഞ്ഞ റോഡാണിത്. ഇരുചക്രവാഹനങ്ങളും ഓട്ടോറിക്ഷകളുമൊക്കെയാണ് ഇതുവഴി കൂടുതലായി കടന്നുപോകുന്നത്. കോണ്‍ക്രീറ്റ്​ ഇളകി കുഴി രൂപംകൊണ്ട ഭാഗങ്ങള്‍ അപകടസാധ്യത ഉയര്‍ത്തുന്നു. ഇവിടം കോണ്‍ക്രീറ്റ് ചെയ്ത് കുഴിയടക്കണമെന്നാണ് വാഹനയാത്രികരുടെ ആവശ്യം. ഏതാനും നാൾ മുമ്പ് ഈ റോഡി​ൻെറ ചില ഭാഗങ്ങളില്‍ വീതി വര്‍ധിപ്പിക്കല്‍ നടന്നിരുന്നു. ഇതിനുശേഷം ഇതുവഴി കൂടുതലായി വാഹനങ്ങള്‍ കടന്നുവരുന്നുണ്ട്. റോഡിന് വീതിക്കുറവുള്ള ഭാഗത്താണിപ്പോള്‍ കുഴികള്‍ രൂപംകൊണ്ടിട്ടുള്ളത്. മാങ്കുളം, പീച്ചാട്, കുരിശുപാറ മേഖലകളിലേക്കുള്ള ആളുകള്‍ അടിമാലിയിലേക്ക് വേഗത്തില്‍ എത്താനുള്ള മാര്‍ഗമായി ഈ വഴിയെ ആശ്രയിക്കുന്നുണ്ട്. ഇത്തരം സാഹചര്യങ്ങള്‍കൂടി പരിഗണിച്ച് കുഴിയടക്കാൻ നടപടി വേഗത്തിലാക്കണമെന്നാണ്​ ആവശ്യം. idl adi 2 road ചിത്രം: കോണ്‍ക്രീറ്റിളകിയ ഭാഗങ്ങളില്‍ ഒന്ന്