ഷൂട്ടിങ്ങിന്​ എത്തിച്ച കാരവനുകൾ പിടിച്ചെടുത്തു

തൊടുപുഴ: മൂന്നാറിൽ ഹിന്ദി വെബ് സീരീസ് ഷൂട്ടിങ്ങിന് എത്തിച്ച രണ്ട്​ അനധികൃത കാരവനുകൾ മോ​ട്ടോർ വാഹന വകുപ്പ്​ പിടിച്ചെടുത്ത്​​ പൊലീസിന്​ കൈമാറി. മതിയായ രേഖകളില്ലാത്ത തമിഴ്നാട് രജിസ്​ട്രേഷൻ വാഹനവും മറ്റൊന്ന് തൃശൂർ സ്വദേശിയുടെ രൂപ മാറ്റം വരുത്തിയ 18 സീറ്റ്‌ ട്രാവലറുമാണ്. അന്തർസംസ്ഥാനങ്ങളിൽ സ്വകാര്യ ആവശ്യങ്ങൾക്കായി രജിസ്​റ്റർ ചെയ്ത നിരവധി വാഹനങ്ങൾ കാരവനുകളാക്കി അനധികൃത സർവിസ് നടത്തുന്നതായി വാഹന വകുപ്പ്​ അധികൃതർ പറഞ്ഞു. മൂന്നാർ എൻഫോഴ്​സ്​​മൻെറ്​ എം.വി.ഐ അനിൽ കുമാർ, എ.എം.വി.ഐ മാരായ ജിനു ജേക്കബ്, ദീപു ആർ. നായർ എന്നിവർ വാഹന പരിശോധനയിൽ പങ്കെടുത്തു.