വാഴവര വാകപ്പടിയിൽ ബസും ലോറിയും കൂട്ടിയിടിച്ചു

കട്ടപ്പന: വാഴവര വാകപ്പടിയിൽ ബസും ലോറിയും കൂട്ടിയിടിച്ച്​ അപകടം. ഒരു മണിക്കൂറോളം ഗതാഗതം തടസ്സപ്പെട്ടു. വ്യാഴാഴ്​ച രാവിലെ 11 മണിയോടെ കട്ടപ്പനയിൽനിന്ന്​ ഇടുക്കി ഭാഗത്തേക്ക് പോകുകയായിരുന്ന ബസും ഇടുക്കിയിൽനിന്ന് കട്ടപ്പനക്ക്​ വരികയായിരുന്ന ലോറിയുമാണ് കൂട്ടിയിടിച്ചത്. ആർക്കും പരിക്കില്ല. ലോറിയുടെ നിയന്ത്രണം നഷ്​ടമായതാണ് അപകട കാരണമെന്നാണ് ഡ്രൈവർ പറയുന്നത്. ബസിൽ ഇടിച്ച ലോറി റോഡിന് കുറുകെ സമീപത്തെ മൺതിട്ടയിൽ ഇടിച്ച് നിന്നതിനാലാണ്​ ഗതാഗതം തടസ്സപ്പെട്ടത്​. മറ്റൊരു വാഹനം ഉപയോഗിച്ച് ലോറി വലിച്ച് മാറ്റിയാണ് ഗതാഗതം പുനഃസ്ഥാപിച്ചത്. ഫോട്ടോ. വാഴവര വാകപ്പടിയിൽ ലോറിയും ബസും കൂട്ടിയിടിച്ചപ്പോൾ