​ഷാഹുൽ ഇനി ഓർമയുടെ ​െഫ്രയിമിൽ

തൊടുപുഴ: ഇടുക്കിയുടെ മനോഹര ദൃശ്യങ്ങളിലേക്ക് കാമറ തിരിച്ച മുതലക്കോടം കുപ്പശ്ശേരിൽ ഷാഹുൽ ഹമീദ് ഇനി ഒാർമ​​. 30 വർഷത്തോളം സ്​റ്റിൽ ഫോേട്ടാഗ്രഫി രംഗത്ത് പ്രവർത്തിച്ച ഷാഹുൽ ഡയബറ്റിക് റെറ്റിനോപ്പതി ബാധിച്ചതിനെ തുടർന്നാണ് ഇൗ രംഗത്തുനിന്ന് പിന്മാറിയത്. 1980കളിൽ ഇടമലക്കുടിയിൽ അതിസാരം പടർന്ന് ആദിവാസികൾ കൂട്ടത്തോടെ മരിച്ചതി​ൻെറ ദാരുണചിത്രങ്ങളെടുത്തത് ഷാഹുലായിരുന്നു. 18 കിലോമീറ്റർ കാട്ടിലൂടെ നടന്ന്​ എടുത്ത ചിത്രങ്ങളാണ് അക്കാലത്ത് പത്രങ്ങളിൽ പ്രസിദ്ധീകരിച്ചത്. ഇടുക്കി വനമേഖലയിലെ ആനവേട്ടയെക്കുറിച്ച അന്വേഷണത്തിന് പിൻബലമേകിയതും ഇദ്ദേഹത്തി​ൻെറ ചിത്രങ്ങളാണ്​. അക്കാലത്ത്​ ഒ​ട്ടേറെ പത്രങ്ങളുടെ​ ഏക ആശ്രയമായ ഷാഹുൽ ഹമീദ്​ ഫോ​ട്ടോഗ്രഫി ആവേശമായി കൊണ്ടുനടക്കുന്നതിനിടെയാണ്​ പ്രമേഹം പിടിപെടുന്നത്​​. രോഗം ബാധിച്ചതോടെ കാഴ്ച മങ്ങി. ഇതോടെ കാമറ താഴെവെച്ചു. മറ്റ് ചില ജോലികൾ ചെയ്തുനോക്കിയെങ്കിലും തുടരാനായില്ല. മുതല​ക്കോടത്തിന്​ സമീപം വാടകവീട്ടിലാണ്​ ഭാര്യക്കും സ്​കൂൾ വിദ്യാർഥിയായ മകനുമൊപ്പം താമസിച്ചിരുന്നത്​. ഒരു മാസം മുമ്പ്​​​ വീട്ടിലെ കുളിമുറിയിൽ വീണ്​ കാലൊടിഞ്ഞ്​ ചികിത്സയിലായിരുന്നു. ഇതിനിടെ രോഗവും കലശലായി. തിങ്കളാഴ്​ച രാവിലെയായിരുന്നു മരണം​.