തൊഴിലാളികൾ തമ്മിൽ സംഘർഷം; മൂന്നുപേർക്ക്​ പരിക്ക്​

മറയൂര്‍: ചട്ട മൂന്നാറില്‍ തോട്ടം തൊഴിലാളികള്‍ തമ്മില്‍ നടന്ന സംഘർഷത്തിൽ സ്ത്രീ ഉള്‍പ്പെടെ മൂന്നുപേര്‍ക്ക് പരിക്ക്. ലക്കം ന്യൂ ഡിവിഷനില്‍ ചിത്ര (54), മാരിയപ്പന്‍ (45), മകന്‍ മണികണ്ഠന്‍ (26) എന്നിവര്‍ക്കാണ് പരിക്കേറ്റത്. ദീപാവലി ദിനത്തില്‍ രാത്രി ഏ​േഴാടെയാണ് സംഭവം. ഗണേശന്‍, മകന്‍ അജിത്ത് എന്നിവർ ആക്രമിച്ച്​ വീടും കാറും തല്ലിത്തകർത്ത്​ പണവും സ്വർണവും കവര്‍ന്നതായി പരാതിയില്‍ പറയുന്നു. ഇവര്‍ക്കെതിരെ കേസെടുത്ത് മറയൂര്‍ പൊലീസ് അന്വേഷണം ആരംഭിച്ചതായി എസ്​.എച്ച്​.ഒ പി.ടി. ബിജോയ് പറഞ്ഞു.