ചട്ടിക്കുഴി തോട്​ ഗതിമാറി ഒഴുകി വ്യാപക നാശം

ചെറുതോണി: കനത്ത മഴയിൽ മരിയാപുരം ചട്ടിക്കുഴി തോട്ടിൽ വെള്ളം ഗതിമാറി ഒഴുകി വ്യാപക നാശം. തോടി​ൻെറ ഇരുകരകളിലെയും ക​ൃഷി ഭൂമിയിലേക്ക്​ വെള്ളം കുത്തിയൊഴുകിയെത്തി​. ആൻറണി പീടികക്കൽ, ജോണി കല്ലുകൂട്ടത്തിൽ, കുട്ടിച്ചൻ മുഞ്ഞനാട്ട് ,ബാബു നെല്ലിക്കുന്നേൽ, ദിവാകരൻ വാക്കവയലിൽ, ജിമ്മി മൈലാടുർ, സജീവ് കോട്ടൂർ, സാൻഡു പടിഞ്ഞാറേയിൽ തുടങ്ങി നിരവധി കർഷകർക്കാണു കൃഷിനാശം നേരിട്ടത്​. ഏത്തവാഴ, കപ്പ, ഏലം കുരുമുളക് തുടങ്ങിയ കൃഷികൾക്കാണ് നാശം സംഭവിച്ചത്​. 2018ലെ പ്രളയം മുതൽ തുടർച്ചയായി ഇവിടെ കാലവർഷം കനത്ത നാശമാണ്​ വിതക്കുന്നത്​. ---------- ഫോട്ടോ മരിയാപുരം ചട്ടിക്കുഴിയിൽ വാഴത്തോട്ടത്തിൽ വെള്ളം കയറിയപ്പോൾ