കാട്ടാന ഭീതിയിൽ കുട്ടികളും രക്ഷിതാക്കളും

add p2 package പെട്ടിമുടി, കാഞ്ഞിരവേലി, തലമാലി, കട്ടമുടി തുടങ്ങിയ പ്രദേശങ്ങളിലെ വിദ്യാർഥികൾക്ക് ആനയിറങ്ങിയാൽ പഠനം മുട്ടും അടിമാലി: ഗ്രാമീണ റോഡുകളും വനപാതകളും കാട്ടാനകളുടെ വിഹാരകേന്ദ്രങ്ങളായി മാറിയതോടെ വനാതിർത്തിയോട് ചേർന്ന ഗ്രാമങ്ങളിലെ വിദ്യാർഥികളും രക്ഷിതാക്കളും ഭീതിയിൽ. മാങ്കുളം, അടിമാലി, വട്ടവട, സേനാപതി, മറയൂർ, കാന്തല്ലൂർ പഞ്ചായത്ത് പരിധികളിൽപ്പെടുന്ന ആദിവാസി കേന്ദ്രങ്ങളിലും വനാ തിർത്തികളിലും​ കാട്ടാന ഭീഷണിയാണ്​. വനാതിർത്തിയിൽ പകൽസമയത്തും ആനപ്പേടിയാണ്​. തലങ്ങും വിലങ്ങും നടന്ന് കാർഷികവിളകൾ നശിപ്പിച്ച് കൃഷിയിടം നിരപ്പാക്കിയാണ് ഇവ മടങ്ങുന്നത്​. വനംവകുപ്പും ദ്രുതകർമസേനയും നാട്ടുകാരും ചേർന്ന് അതിർത്തി കടത്തിയാലും ചെറിയ ഇടവേളക്കുശേഷം അവ തിരിച്ചുവരുന്നു. ആനയെ ഭയന്ന് കുട്ടികളെ സ്കൂളിൽ തനിച്ച് വിടാൻ ഭയപ്പെടുകയാണ് രക്ഷിതാക്കൾ. രണ്ടാഴ്​ച മുമ്പ്​ പകൽ സൂര്യനെല്ലിയിൽ സ്​കൂളി​ൻെറ മതിലിന് സമീപം ആനക്കൂട്ടം മേഞ്ഞുനടപ്പുണ്ടായിരുന്നു. ആറുമാസം മുമ്പാണ് ചിക്കണംകുടി സ്​കൂളി​ൻെറ 50 മീറ്റർ മാത്രം ദൂരത്ത് കാട്ടാനകൾ എത്തിയത്. കുറത്തി കുടിയിൽനിന്ന് നാല് കിലോമീറ്റർ നടന്നാണ് വിദ്യാർഥികൾ മാങ്കുളത്ത് സ്​ക​ൂളിലെത്തുന്നത്​. ദുർഘടംപിടിച്ച പാത മുഴുവൻ കടന്നുപോകുന്നത് നിബിഡവനത്തിലൂടെയാണ്. പെട്ടിമുടി, കാഞ്ഞിരവേലി, തലമാലി, കട്ടമുടി തുടങ്ങിയ പ്രദേശങ്ങളിലെ വിദ്യാർഥികൾക്ക് ആനയിറങ്ങിയാൽ പഠനം മുട്ടും. സ്കൂളിലെത്തിയതിനുശേഷമാണ് ആനയിറങ്ങുന്നതെങ്കിൽ വനം വകുപ്പ്‌ ഉദ്യോഗസ്ഥരും രക്ഷിതാക്കളും സുരക്ഷയൊരുക്കാൻ പടക്കങ്ങളുമായി റോഡരികിൽ കാത്തിരിപ്പുണ്ടാകും. അതിർത്തിയിൽ വനംവകുപ്പി​ൻെറ സ്ഥിരം നിരീക്ഷണ സംവിധാനമില്ലാത്തതും പ്രതിരോധ സംവിധാനമില്ലാത്തതും ആനകളുടെ തിരിച്ചുവരവ് വേഗത്തിലാക്കി. ഏതുനിമിഷവും കാട്ടാനയുടെ മുന്നൽ അകപ്പെടാമെന്ന ഭീതിയിലാണ് പൂപ്പാറ, ശാന്തൻപാറ, ബിയൽ റാം, മേഖലകൾ. സന്ധ്യമയങ്ങിയാൽ ഇപ്പോൾ ഈ പ്രദേശങ്ങളിലെ കവലകളും റോഡുകളും വിജനമാണ്. കാടുകയറിയ തോട്ടങ്ങളിൽ ആന എത്തിയാൽ അറിയുകപോലുമില്ലെന്ന് നാട്ടുകാർ പറയുന്നു. കൃഷിയിടങ്ങളെല്ലാം കുറെ നാളുകളായി ആനക്കൂട്ടത്തി​ൻെറ സ്ഥിരം താവളമാണ്. തെങ്ങും വാഴയുമടക്കം വിളകളെല്ലാം ആനക്കൂട്ടം നശിപ്പിച്ചു. രക്ഷിതാക്കൾ സ്​കൂൾ കുട്ടികൾക്ക് കൂട്ടിന് പോകേണ്ട സ്ഥിതിയാണ്. കാട്ടാനകളെ തുരത്താൻ അതിർത്തിയിൽ പ്രതിരോധവേലി തീർക്കണമെന്നും വനംവകുപ്പി​ൻെറ സ്ഥിരം കാവൽ ഏർപ്പെടുത്തണമെന്നും ജനം ആവശ്യപ്പെടുന്നു. ​