സ്ഥലംമാറ്റം അട്ടിമറിക്കുന്നെന്ന്​; എൻ.ജി.ഒ യൂനിയൻ പ്രതിഷേധം

തൊടുപുഴ: മാനദണ്ഡങ്ങൾ കൃത്യമായി പാലിച്ച് റവന്യൂ വകുപ്പിലെ സ്ഥലംമാറ്റങ്ങൾ അടിയന്തരമായി നടപ്പാക്കണമെന്ന് ആവശ്യപ്പെട്ട്​ എൻ.ജി.ഒ യൂനിയൻ നേതൃത്വത്തിൽ ജീവനക്കാർ കലക്ടറേറ്റിന്​ മുന്നിലും താലൂക്ക്​ ഓഫിസ്​ പടിക്കലും പ്രകടനം നടത്തി. പൊതു സ്ഥലംമാറ്റ മാനദണ്ഡങ്ങൾ നിശ്ചയിച്ച്​ പുറപ്പെടുവിച്ച സർക്കാർ ഉത്തരവിലെ വ്യവസ്ഥകൾക്ക് വിരുദ്ധമായി പുതിയ വ്യവസ്ഥകൾ കൂട്ടിച്ചേർക്കാനുള്ള നടപടിയാണ് വകുപ്പിലെ സ്ഥലംമാറ്റങ്ങളിൽ വീണ്ടും അനിശ്ചിതത്വം സൃഷ്​ടിച്ചതെന്ന്​ യൂനിയൻ ആരോപിച്ചു. തൊടുപുഴ താലൂക്ക് ഓഫിസിന്​ മുന്നിൽ നടത്തിയ പ്രകടനം ജില്ല പ്രസിഡൻറ്​ കെ.കെ. പ്രസുഭ കുമാർ ഉദ്ഘാടനം ചെയ്തു. കലക്ടറേറ്റിന്​ മുന്നിൽ ജി. ഷിബു, പീരുമേട്ടിൽ പി.എൻ. ബിജു, ദേവികുളത്ത് എം.ബി. ബിജു, ഉടുമ്പൻചോലയിൽ ടൈറ്റസ് പൗലോസ് എന്നിവർ ഉദ്​ഘാടനം ചെയ്​തു. ----------- ഫോട്ടോ: TDL106 NGOU എൻ.ജി.ഒ യൂനിയൻ പ്രതിഷേധ പ്രകടനം തൊടുപുഴയിൽ ജില്ല പ്രസിഡൻറ്​ കെ.കെ. പ്രസുഭ കുമാർ ഉദ്ഘാടനം ചെയ്യുന്നു