തൊടുപുഴ മാസ്​റ്റർ പ്ലാൻ: അഭിപ്രായം അറിയിക്കാം

തൊടുപുഴ: നഗരത്തി​ൻെറ അടുത്ത 30 വർഷത്തെ വികസനം സാധ്യമാക്കാൻ നഗരസഭ പ്രസിദ്ധീകരിച്ച മാസ്​റ്റർ പ്ലാൻ സംബന്ധിച്ച അഭിപ്രായങ്ങളും ആക്ഷേപങ്ങളും സ്വരൂപിക്കാൻ അവലോകന യോഗം ചെയർമാൻ സനീഷ് ജോർജി​ൻെറ അധ്യക്ഷതയിൽ ചേർന്നു. സാമൂഹിക, സാംസ്​കാരിക, രാഷ്​ട്രീയ, വ്യവസായ രംഗങ്ങളിലെ നൂറ്റമ്പതോളം പേരും വൈസ്​ ചെയർമാൻ, സ്ഥിരംസമിതി ചെയർമാന്മാർ, കൗൺസിലർമാർ​, ഉദ്യോഗസ്ഥർ, ജില്ല ടൗൺ പ്ലാനിങ്ങിലെ ഉദ്യോഗസ്ഥർ തുടങ്ങിയവരും പങ്കെടുത്തു. മാസ​റ്റർ പ്ലാൻ സംബന്ധിച്ച പൊതുജനങ്ങളുടെ ആക്ഷേപങ്ങളും അഭിപ്രായങ്ങളും നവംബർ 10 വരെ നഗരസഭ ഓഫിസിൽ സ്വീകരിക്കും. ---- മാസ്​റ്റർ പ്ലാനിന് കൃത്യതയില്ലെന്ന്​ വ്യാപാരികൾ തൊടുപുഴ: നഗര വികസനം മുന്നിൽകണ്ടുള്ള നഗരസഭയുടെ മാസ്​റ്റർപ്ലാൻ അവ്യക്തത നിറഞ്ഞതും അശാസ്ത്രീയവുമാണെന്ന് വ്യാപാരികൾ. കഴിഞ്ഞ ദിവസത്തെ യോഗത്തിൽ ജനങ്ങളുടെ സംശയങ്ങൾക്ക് കൃത്യമായി മറുപടി പറയാനോ അവരുടെ ആശങ്കകൾ പരിഹരിക്കാനോ ഉദ്യോഗസ്ഥർക്ക് കഴിഞ്ഞില്ല. നഗരത്തിലെ റോഡിന്​ മാസ്​റ്റർ പ്ലാനിൽ 24 മീ. വീതിയാണ് വിഭാവനം ചെയ്തിരിക്കുന്നത്. ഇത് എങ്ങനെ സാധ്യമാക്കും എന്ന ചോദ്യത്തിന് ഉത്തരമില്ല. ഭൂരിഭാഗവും കൃഷി സ്ഥലങ്ങളായാണ് കാണിച്ചത്. ഇവിടങ്ങളിൽ ഭാവിയിൽ കെട്ടിടം പണിയുന്നതും വ്യവസായം തുടങ്ങുന്നതും ബുദ്ധിമുട്ടാകും. പൊതുജനങ്ങളുടെയും വ്യാപാരികളുടെയും ആശങ്ക പരിഹരിച്ച്​ വ്യക്തമായ മാസ്​റ്റർ പ്ലാനി​ൻെറ അടിസ്ഥാനത്തിൽ നഗര വികസനം നടപ്പാക്കണമെന്ന് തൊടുപുഴ മർച്ചൻറ്​സ്​ അസോസിയേഷൻ പ്രസിഡൻറ്​ രാജു തരണിയിൽ ആവശ്യപ്പെട്ടു. ബിൽഡിങ്​ ഒാണേഴ്സ് അസോസിയേഷൻ പ്രസിഡൻറ്​ ജോസ് വർക്കി കാക്കനാട്ട്, കെ.എം.എഫ്​ പ്രസിഡൻറ്​ എം.എൻ. ബാബു, എം.സി. മാത്യു, സണ്ണി മണർകാട്, ആൻറണി കണ്ടിരിക്കൽ തുടങ്ങിയവർ ചർച്ചയിൽ പ​െങ്കടുത്തു. --------------- സംരംഭങ്ങൾക്ക്​ വായ്​പ: അപേക്ഷ ക്ഷണിച്ചു തൊടുപുഴ: ജില്ലയിൽ പുതിയ വ്യവസായ സംരംഭങ്ങൾ ആരംഭിക്കാൻ വായ്​പ ബന്ധിതമായി സബ്​സിഡി ലഭിക്കുന്ന പി.എം.ഇ.ജി.പി പദ്ധതിയിലേക്ക്​ അപേക്ഷ ക്ഷണിച്ചു. ഉൽപാദന ഖേലയിൽ 25 ലക്ഷം രൂപ വരെയും സേവന മേഖലയിൽ പത്തുലക്ഷം രൂപവരെയും സംരംഭങ്ങൾ പരിഗണിക്കും. കച്ചവടം, കൃഷി, വാഹനം, മത്സ്യ-മാംസ സംസ്​കരണം തുടങ്ങിയവ പരിഗണിക്കില്ല. ഒാരോ ലക്ഷം രൂപയുടെ നിക്ഷേപത്തിനും ഒരു തൊഴിലവസരം എങ്കിലും സൃഷ്​ടിക്കണം. ബാങ്ക്​ വായ്​പ അനുവദിക്കുന്ന മുറക്ക്​ രണ്ടാഴ്​ചത്തെ പരിശീലന പരിപാടിയിൽ പ​െങ്കടുക്കണം. അപേക്ഷകൾ നവംബർ 15നകം www.kviconline.gov.in വെബ്​പോർട്ടൽ വഴി സൗജന്യമായി സമർപ്പിക്കാം. വിവരങ്ങൾക്ക്​ താലൂക്ക്​ വ്യവസായ ഒാഫിസുമായി ബന്ധപ്പെടണം. ------------ ബൈപാസ്​ റോഡാക്കണം മുതലക്കോടം: മുതലക്കോടത്തുനിന്ന് പഴുക്കാകുളം വഴി ഏഴല്ലൂർ, കാരൂപ്പാറ ഭാഗത്തേക്ക്​ റോഡ് വീതി കൂട്ടി ബൈപാസ് റോഡാക്കണമെന്നാവശ്യപ്പെട്ട്​ കേരള കോൺഗ്രസ് തൊടുപുഴ ഈസ്​റ്റ്​ മണ്ഡലം പ്രസിഡൻറ്​ കെ.കെ. ജോസഫ് പൊതുമരാമത്ത്​ അധികൃതർക്ക്​ നിവേദനം നൽകി. വർഷങ്ങൾക്കുമുമ്പ്​ സമീപവാസികൾ സൗജന്യമായി സ്ഥലംനൽകി നിർമിച്ച റോഡാണിത്. റോഡി​ൻെറ ഇരുവശവും വെള്ളം ഒഴുകി വലിയ കിടങ്ങുകൾ രൂപപ്പെട്ടു. ഇതിന്​ പരിഹാരമായി ഐറിഷ് ഡ്രെയിനേജ് നിർമിക്കണമെന്നും നിവേദനത്തിൽ ആവശ്യപ്പെട്ടു.