പ്രളയമേഖലകൾ ഫ്രാൻസിസ്​ ജോർജ്​ സന്ദർശിച്ചു

ഇടുക്കി: കൊക്കയാര്‍, പെരുവന്താനം, കൂട്ടിക്കല്‍ പഞ്ചായത്തുകളിലെ പ്രളയബാധിത മേഖലകള്‍ മുന്‍ എം.പി കെ. ഫ്രാന്‍സിസ് ജോർജും കേരള കോണ്‍ഗ്രസ് നേതാക്കളും സന്ദര്‍ശിച്ചു. ദുരിതാശ്വാസ ക്യാമ്പുകളില്‍ കഴിയുന്നവരുമായും സ്ഥലവാസികളുമായും ചര്‍ച്ചനടത്തി. ഉരുള്‍പൊട്ടലിലും വെള്ളപ്പൊക്കത്തിലും വീടുകള്‍ നഷ്​ടപ്പെട്ടവര്‍ക്കും വാസയോഗ്യമല്ലാത്ത വീടുകള്‍ ഉള്ളവര്‍ക്കും പകരം ഭൂമിയും ഭവനനിര്‍മാണത്തിന്​ സഹായവും നൽകണമെന്ന്​ അദ്ദേഹം ആവശ്യപ്പെട്ടു. പാര്‍ട്ടി ഉന്നതാധികാര സമിതിയംഗം ആൻറണി ആലഞ്ചേരി, കര്‍ഷക യൂനിയന്‍ സംസ്ഥാന പ്രസിഡൻറ്​ വര്‍ഗീസ് വെട്ടിയാങ്കല്‍, ബിജുപോള്‍, സാജു പൗവ്വത്ത്, ബിനു ജോണ്‍, മാത്യു മടിക്കാങ്കല്‍, സണ്ണി ചിറ്റപ്പനാട്ട്, സണ്ണി മുണ്ടപ്ലാക്കല്‍, ഷാജി കാരിമുട്ടം എന്നിവരും സംഘത്തിലുണ്ടായിരുന്നു. വാത്തിക്കുടി പഞ്ചായത്ത്​ ഒാഫിസ്​ കെട്ടിടത്തിന്​ 20 ലക്ഷം ചെറുതോണി: വാത്തിക്കുടി പഞ്ചായത്തിൽ ഇനി എല്ലാം ഒരു കുടക്കീഴിൽ. പഞ്ചായത്ത്​ ഓഫിസിന്​ പുതിയ കെട്ടിടം പണിയാൻ സർക്കാർ 20 ലക്ഷം രൂപ അനുവദിച്ചു. മൂന്നുകോടിയാണ് ചെലവ് പ്രതീക്ഷിക്കുന്നത്. കെട്ടിടം പൂർത്തിയാകുന്നതോടെ പഞ്ചായത്തി​ൻെറ പല സ്ഥലത്തായി ചിതറിക്കിടക്കുന്ന വില്ലേ​ജ്​ ഓഫിസ്, കൃഷിഭവൻ, ട്രഷറി തുടങ്ങിയവ പഞ്ചായത്ത്​ ഓഫിസിന്​ ചുറ്റും ഒരു കെട്ടിടത്തിലാകും. വിവിധ ആവശ്യങ്ങൾക്കായി വരുന്നവർക്ക് ഒരു സ്ഥലത്തുനിന്ന്​ എല്ലാ ആവശ്യങ്ങളും നടത്തി മടങ്ങാം.