ക്ലാസുകൾ തുടങ്ങി; കാമ്പസുകൾ ആവേശത്തിൽ

തൊടുപുഴ: ഒന്നരവർഷ​ത്തിലേറെ നീണ്ട ഇട​വേളക്കുശേഷം സംസ്ഥാത്തെ കോളജുകൾ പൂർണമായി തുറന്നു​. ഒന്നും രണ്ടും വർഷ ബിരുദ ക്ലാസുകളും ഒന്നാംവർഷ പി.ജി ക്ലാസുകളുമാണ്​ തിങ്കളാഴ്​ച ​തുടങ്ങിയത്​. അവസാനവർഷ വിദ്യാർഥികൾ മാത്രം എത്തിക്കൊണ്ടിരുന്നിടത്ത്​ ഒന്നു​ം രണ്ടും വർഷ വിദ്യാർഥികൾ കൂടി എത്തിയതോടെ കലാലയങ്ങളും ആവേശത്തിലായി. ഷിഫ്​റ്റ്​ അടിസ്ഥാനത്തിലാണ്​ ക്ലാസുകളെങ്കിലും കോളജുകളിൽ എത്താൻ കഴിഞ്ഞതി​ൻെറ സന്തോഷത്തിലാണ്​ വിദ്യാർഥികൾ. കഴിഞ്ഞ 18ന്​ തുറക്കാൻ തീരുമാനിച്ച ​കോളജ്​ മോശം കാലാവസ്ഥ പരിഗണിച്ച്​ തിങ്കളാഴ്​ചത്തേക്ക്​ മാറ്റുകയായിരുന്നു. കോവിഡ് മാനദണ്ഡങ്ങൾ പാലിച്ചാണ് പ്രവർത്തനം പുനരാരംഭിച്ചതും വിദ്യാർഥികളെ വരവേറ്റതും. ഒന്നര വർഷത്തിലധികമായി ഓൺലൈനായി നടന്ന പഠനമാണ് കലാലയങ്ങളിൽ പുനഃരാരംഭിച്ചത്. പൂർണമായും കോവിഡ്​ മാനദണ്ഡം പാലിച്ചാണ് ഒന്നാംവർഷ ഡിഗ്രി വിദ്യാർഥികളെ ഉൾപ്പെടെ ഓരോ കോളജും വരവേറ്റത്. ബിരുദ വിദ്യാർഥികൾക്ക് ബാച്ചുകളായി തിരിച്ച് ഒന്നിടവിട്ട ദിവസങ്ങളിലും ബുരുദാനന്തര ബിരുദ വിദ്യാർഥികൾക്ക് ഒരുമിച്ചുമാണ് ക്ലാസുകൾ നടത്തുന്നത്. ഈ ഒരാ‍ഴ്ച അധ്യാപക വിദ്യാർഥി ആശയവിനിമയത്തിനാണ് ക്ലാസുകളിൽ പ്രധാന്യം നൽകുക. ------------ TDL Campus തൊടുപുഴ ന്യൂമാൻ കോളജിലെത്തിയ വിദ്യാർഥികൾ സൗഹൃദം പുതുക്കുന്നു