ഇരട്ടയാർ ടൗണിൽ പൈപ്പ്​ മാറ്റി; ഇനി കുടിവെള്ളം പാഴാകില്ല

കട്ടപ്പന: ഇരട്ടയാർ ടൗണിൽ പൈപ്പ് പൊട്ടി കുടിവെള്ളം പാഴാകുന്നതിന്​ പരിഹാരമായി. ജല അതോറിറ്റി അധികൃതർ​ പൈപ്പ്​ മാറ്റിസ്ഥാപിച്ചതോടെയാണ്​ പ്രശ്​നത്തിന്​ പരിഹാരമായത്​. ഇരട്ടയാർ ടൗണിൽ സാംസ്കാരികനിലയത്തിന്​ സമീപത്താണ് പൈപ്പുപൊട്ടി നാളുകളായി കുടിവെള്ളം പാഴായിരുന്നത്. ഇരട്ടയാർ-തങ്കമണി റോഡി​ൻെറ അടിവശത്തുകൂടി കടന്നുപോകുന്ന പൈപ്പാണ് തകരാറിലായത്. വെള്ളം പമ്പുചെയ്യുേമ്പാൾ ടാറിങ്ങി​ൻെറ വിടവിലൂടെ പുറത്തേക്കൊഴുകി പുതുക്കിപ്പണിത റോഡ് തകരുന്ന സാഹചര്യത്തിലെത്തി. നാട്ടുകാരുടെ നേതൃത്വത്തിൽ പ്രതിഷേധങ്ങളും പരാതികളും ഉയർന്നതിനെത്തുടർന്ന്​ ഇരട്ടയാർ പഞ്ചായത് പ്രസിഡൻറ്​ ജിൻസൺ വർക്കി വിഷയം മന്ത്രി റോഷി അഗസ്​റ്റി​ൻെറ ശ്രദ്ധയിൽപ്പെടുത്തി. റോഡ് നിർമാണത്തി​ൻെറ ഭാഗമായാണ് പൈപ്പിന്​ തകർ സംഭവിച്ചതെന്നാണ് വാട്ടർ അതോറിറ്റി അധികൃതർ പറയുന്നത്​. -------------- ഫോട്ടോ. ഇരട്ടയാർ ടൗണിൽ വാട്ടർ അതോറിറ്റി കുടിവെള്ള പൈപ്പ് നന്നാക്കുന്നു