സ്​കൂൾ തുറക്കുന്നു; എങ്ങനെ പോകും?

P/2 lead package കുട്ടികളുടെ യാത്ര സുഗമമാക്കാനും വാഹനങ്ങളിൽ സുരക്ഷ ഉറപ്പാക്കാനും ഗതാഗത വകുപ്പ്​ വിശദ മാര്‍ഗരേഖ തയാറാക്കിയിട്ടുണ്ട്​ തൊടുപുഴ: സ്​കൂൾ തുറക്കാൻ ഒരാഴ്​ച കൂടി ശേഷിക്കേ കുട്ടികളെ വരവേൽക്കാൻ ഒരുങ്ങുകയാണ്​ സ്​കൂളുകളും അധ്യാപകരും. അപ്പോഴും രക്ഷിതാക്കളും അധ്യാപകരും ഒന്നുപോലെ ആശങ്കപ്പെടുന്ന ചില കാര്യങ്ങളുണ്ട്​. കുട്ടികളുടെ യാത്ര, സ്​കൂളിലെയും വാഹനത്തിലെയും സുരക്ഷ സൗകര്യങ്ങൾ, കോവിഡ്​ മാനദണ്ഡങ്ങൾ കൃത്യമായി നടപ്പാക്കൽ തുടങ്ങിയവ. ​കുട്ടികളുടെ യാത്ര സുഗമമാക്കാനും വാഹനങ്ങളിൽ സുരക്ഷ ഉറപ്പാക്കാനും ഗതാഗത വകുപ്പ്​ വിശദ മാര്‍ഗരേഖ തയാറാക്കിയിട്ടുണ്ടെങ്കിലും ഇതി​ൻെറ പ്ര​ായോഗിക വിജയം സ്​കൂൾ തുറന്നശേഷമേ വിലയിരുത്താനാകൂ. മാസങ്ങളായി ഒാടാതെ കിടന്ന സ്​കൂൾ ബസുകൾ സജ്ജമാക്കുക എന്നത്​ സർക്കാർ, എയ്​ഡഡ്​, അൺഎയ്​ഡഡ്​ സ്​കൂളുകൾക്കെല്ലാം ഒന്നുപോലെ ബുദ്ധിമുട്ടാണ്​. പല സ്​കൂളുകളും ഇക്കാര്യത്തിൽ അന്തിമ തീരുമാനമെടുത്തിട്ടില്ല. കുട്ടികളെ സ്വന്തം വാഹനത്തിൽ എത്തിക്കാനാണ്​ പല രക്ഷിതാക്കളുടെയും തീരുമാനം. സ്​കൂൾ ബസുകൾ എത്താത്ത ഇടങ്ങളിൽ ബദൽ മാർഗ​ം തേടുകയാണ്​​ സ്വന്തമായി വാഹനമില്ലാത്ത രക്ഷിതാക്കൾ​. സ്വകാര്യ ബസിൽ കുട്ടികളെ അയക്കാൻ ഭൂരിഭാഗം രക്ഷിതാക്കൾക്കും താൽപര്യമില്ല. ഓ​​ട്ടോയിൽ മൂന്ന്​ പേരിൽ കൂടുതൽ അനുവദിക്കില്ല. എങ്ങനെയും സ്വന്തം വാഹനം നിരത്തിലിറക്കാനുള്ള ഒരുക്കത്തിലാണ്​ പല സ്​കൂളുകളും. പലതും പൊടിയും തുരുമ്പും പിടിച്ചു. നിരത്തിലിറക്കാൻ​ ഒരു ലക്ഷം രൂപയെങ്കിലും വേണം. ഇത്രയും തുക മുടക്കിയിട്ട്​ എല്ലാ കുട്ടികളും വരാതിരുന്നാലും​ പ്രതിസന്ധിയാകും. താങ്ങാനാവാത്ത ഇന്ധനവില ബാധ്യത ഇരട്ടിയാക്കുമെന്ന്​​ സ്​കൂൾ അധികൃതർ പറയുന്നു​. തുടക്കത്തിൽ ആഴ്​ചയിൽ മൂന്ന്​ ദിവസമാണ്​ ക്ലാസ്​. പത്ത്​ ബസുള്ള ജില്ലയിലെ ഒരു സ്​കൂൾ മൂന്നെണ്ണം​ മാത്രമാണ്​ നിരത്തിലിറക്കുന്നത്​​. എം.പി, എം.എൽ.എ ഫണ്ട് ഉപയോഗിച്ചും പി.ടി.എയുടെ സഹായത്തോടെയുമാണ് പല സർക്കാർ സ്‌കൂളും ബസ്​ വാങ്ങിയത്. ഇവ ജില്ല വിദ്യാഭ്യാസ ഉപഡയറക്​ടർ ഏറ്റുവാങ്ങി സ്‌കൂളുകൾക്ക് കൈമാറിയാൽ പിന്നെ പൂർണ ഉത്തരവാദിത്തം സ്‌കൂളിനാണ്​. സ്‌കൂളുകൾ അടച്ചതോടെ ബസുകളുടെ പരിപാലനം നിലച്ചിരുന്നു. ````````````` ആകെ 807 ബസ്​; ഫിറ്റ്​നസ്​ നേടിയത്​​ 45 807 സ്​കൂൾ ബസുകളാണ്​ ജില്ലയിൽ ആകെയുള്ളത്​. ഇതിൽ 50 എണ്ണമാണ്​ ഇതുവരെ പരിശോധനക്ക്​ എത്തിച്ചത്​. ആഴ്​ചയിൽ ക്ലാസുകൾ കുറവാണെന്നതും ഓൺലൈൻ ക്ലാസുകളും മൂലം കുട്ടികൾ ബസിനെ ആശ്രയിക്കുമോ എന്നാണ്​ സ്​കൂൾ അധികൃതരുടെ സംശയം​​. പലരും ടെസ്​റ്റിങ്ങിന്​​ തയാറാകുന്നില്ലെന്ന്​ മോ​ട്ടോർ വാഹന വകുപ്പ്​ ഉദ്യോഗസ്​ഥർ പറയുന്നു. സ്​കൂൾ ബസുകൾ സർക്കാർ നിർദേശങ്ങൾ പാലിക്കേണ്ടിവരും. വരും ദിവസങ്ങളിലും പരിശോധന തുടരുമെന്ന്​​ ഇടുക്കി ആർ.ടി.ഒ ആർ. രമണൻ അറിയിച്ചു. ````````````` ബോണ്ട്​ സർവിസും സജ്ജം വിദ്യാർഥികളുടെ യാത്രാ പ്രശ്‌നം പരിഹരിക്കാൻ കെ.എസ്​.ആർ.ടി.സി ബസ് ഓണ്‍ ഡിമാൻറ്​ (ബോണ്ട്) സര്‍വിസ് ആരംഭിക്കുമെന്ന്​ കലക്​ടർ ഷീബ ജോർജ്​. തിരിച്ചറിയല്‍ കാര്‍ഡുള്ള വിദ്യാർഥികള്‍ക്ക് യാത്രാ സൗജന്യം അനുവദിക്കാന്‍ നിർദേശം നല്‍കും. ------------ മാർഗ നിർദേശങ്ങൾ *​രോഗ ലക്ഷണങ്ങളുള്ളവർ സ്​കൂൾ വാഹനത്തിൽ യാത്ര ചെയ്യാൻ പാടില്ല * നിന്ന്​ യാത്ര ചെയ്യരുത് *ബസിൽ സാമൂഹിക അകലം ഉറപ്പാക്കണം. പരസ്​പരമുള്ള സ്​പർശനം ഒഴിവാക്കണം * തുണി​കൊണ്ടുള്ള സീറ്റ്​ കവർ, കർട്ടൺ, എ.സി എന്നിവ അനുവദിക്കില്ല. വിൻഡോ ഷട്ടറുകൾ തുറന്നിടണം. * മാസ്​ക്​ നിർബന്ധം * സുരക്ഷ ഓഫിസറായി നിയമിച്ച അധ്യാപകരോ ബസ്​ സൂപ്പർ വൈസർമാരോ ദിവസവും ഡ്രൈവർമാരുടെയും ഡോർ അറ്റൻറർമാരുടെയും ശരീരോഷ്​മാവ്​ പരിശോധിക്കണം. * ജീവനക്കാർ രണ്ട്​ ഡോസ്​ വാക്​സിൻ എടുത്തിരിക്കണം. ``````````````` '''''''''''''''''''''''''''''''''''''''''''' സുരക്ഷിത പഠനം​ ഒരുക്കും മാനദണ്ഡങ്ങൾ പാലിച്ച്​ കുട്ടികളെ സ്​കൂളിലെത്തിക്കാമെന്ന്​ പല സ്​കൂളുകളും അറിയിച്ചിട്ടുണ്ട്​. ആദ്യഘട്ടത്തിൽ പ്രൈമറി ക്ലാസ്​ കുട്ടികളെ രക്ഷിതാക്കൾ തന്നെ കൊണ്ടുവിടുന്ന രീതിയാകും. പലരും സമ്മതം അറിയിച്ചിട്ടുണ്ട്​. മുതിർന്ന കുട്ടികൾക്ക്​ സ്​കൂൾ ബസുകൾ, പൊതുഗതാഗതം എന്നിവയെ ആശ്രയിക്കാം. ബയോ ബബ്​ൾ സംവിധാനമാണ്​ സ്​കൂളിൽ സജ്ജമാക്കിയത്​. ഒരു​ പ്രദേശത്തെ കുട്ടികൾ മൂന്ന്​ ദിവസം വരുന്ന രീതിയിലാണ്​ ക്രമീകരണം. കൂടുതൽ കുട്ടികൾ ഉള്ള സ്​കൂളുകളിലാണ്​ ഇത്​ നടപ്പാക്കുക. സ്​കൂൾ വാഹനങ്ങൾ നിരത്തിലിറക്കാൻ പി.ടി.എ ഫണ്ടി​ൻെറ അഭാവം തടസ്സമാണ്​​. ഫിറ്റ്​നസ്​ ലഭിച്ചതും അല്ലാത്തതുമായ സ്​കൂൾ ബസുകളുടെ കണക്ക്​ ശേഖരിക്കുന്നുണ്ട്​. കലക്​ടറുടെ അധ്യക്ഷതയിൽ പല തവണ യോഗം ചേർന്നിരുന്നു​. സ്​കൂളുകൾ തുറക്കുന്നതോടെ കുറവുകൾ കണ്ടെത്തി പരിഹരിച്ച്​ മുന്നോട്ട്​ പോകാനാകും. ''''''''''''''''''''''''''''''''''''''''''''''''''''''''''''''''''''''''''''''' ശശീന്ദ്രവ്യാസ്​ (ജില്ല വിദ്യാഭ്യാസ ഡെപ്യൂട്ടി ഡയറക്​ടർ) ----------------- ''''''''''''''''''''''''''''''''''''''''''''''''''''''' യാത്രാപ്രശ്​നം പരിഹരിക്കണം സ്​കൂൾ തുറക്കുന്നത്​ സ്വാഗതാർഹമാണ്​. പക്ഷേ, കുട്ടികളുടെ യാത്രാ പ്രശ്​നത്തിൽ ആശങ്കയുണ്ട്​. ആയിരത്തോളം കുട്ടികളാണ്​ പൂമാല ഗവ. എച്ച്​.എസ്​.എസിൽ പഠിക്കുന്നത്​. ഇവരിൽ 70 ശതമാനം പട്ടിക വിഭാഗത്തിൽപ്പെട്ടവരാണ്​. ജില്ലയിൽ കുട്ടികളുടെ യാത്ര പൊതുവെ പ്രതിസന്ധി നേരിടുന്നുണ്ട്​. സ്​കൂൾ ബസുകൾ കൂടി ഇല്ലാതാകുന്നത്​ യാത്രാക്ലേശം ഇരട്ടിയാക്കും. നിലവിൽ സ്​കൂൾ ബസ്​ ഓടിക്കാൻ കഴിയാത്ത സാഹചര്യമാണെന്നാണ്​ അറിയുന്നത്​. അങ്ങനെയെങ്കിൽ കുട്ടികൾ​ സ്വകാര്യ ബസിൽ യാത്ര ചെയ്യേണ്ടിവരുന്നത്​ ആശങ്കക്കിടയാക്കുന്നു​. സാമ്പത്തിക സ്​ഥിതി കുറഞ്ഞ രക്ഷിതാക്കൾക്ക്​ വാഹനത്തിൽ കൊണ്ടുവിടുക പ്രായോഗികമല്ല. ജില്ല പഞ്ചായത്തിനോട്​ സഹായം തേടിയിട്ടുണ്ട്​. ''''''''''''''''''''''''''''''''''''''''''''''''''''' ജയ്​സൺ കുര്യോക്കാസ്​ (രക്ഷിതാവ്​) ------------- '''''''''''''''''''''''''''''''''''''''''''''''''' മാനദണ്ഡങ്ങൾ പാലിക്കും ജില്ലയിൽ ഏറ്റവും കൂടുതൽ കുട്ടികൾ പഠിക്കുന്നത്​​​ കല്ലാർ ഗവ. ഹയർ സെക്കൻഡറി സ്​കൂളിലാണ്​. നിലവിൽ സ്​കൂളിന്​ മൂന്ന്​ ബസുണ്ട്​. അത്​ ഒാടിക്കും. രണ്ട്​ കെ.എസ്​.ആർ.ടി.സി ബസുകളുടെ സഹായം തേടിയിട്ടുണ്ട്​. മൂന്ന്​ ബസുകൾ റോഡിലിറക്കിയപ്പോൾ തന്നെ രണ്ട്​ ലക്ഷത്തിലേറെയായി. പി.ടി.എയും അധ്യാപകരും ജീവനക്കാരും ചേർന്നാണ്​ തുക കണ്ടെത്തിയത്​. സർക്കാർ മാനദണ്ഡങ്ങൾ പാലിച്ച്​ ഒരു ദിവസം പകുതി കുട്ടികളെ എത്തിക്കാനാണ്​ ശ്രമം. വിദ്യാർഥികളെ മേഖലകളാക്കി തിരിച്ച്​ ആ ഭാഗത്തേക്ക്​ ബസ്​ സർവിസ്​ നടത്തും. ക്ലാസ്​ തുടങ്ങിയ ശേഷം ആവശ്യമായ മാറ്റം വരുത്തും. അതേസമയം സ്വകാര്യ ബസുകളെയും സമാന്തര സർവിസുകളെയും ആശ്രയിക്കുന്നവരുണ്ട്​. ഈ കുട്ടികളുടെ യാത്രയുടെ കാര്യത്തിൽ ആശങ്കയുണ്ട്​. ''''''''''''''''''''''''''''''''''''''''' എം.എം ആൻഡ്രൂസ്​ അധ്യാപകൻ, കല്ലാർ ഗവ. ഹയർ സെക്കൻഡറി സ്​കൂൾ --------------------- ചിത്രം TDL104 school bus ഫിറ്റ്​നസ്​ നൽകുന്നതി​ൻെറ ഭാഗമായി മോ​േട്ടാർ വാഹന വകുപ്പ്​ ഉദ്യോഗസ്​ഥർ സ്​കൂൾ ബസ്​ പരിശോധിക്കുന്നു