ദുരന്ത നിവാരണം: ജില്ലക്ക്​ പ്രത്യേക ഡെപ്യൂട്ടി കലക്​ടർ

തൊടുപുഴ: ജില്ലയിൽ ദുരന്തനിവാരണത്തി​ൻെറ പ്രത്യേക ചുമതലയുള്ള ഡെപ്യൂട്ടി കലക്ടറെ നിയമിക്കാൻ സർക്കാർ അനുമതി. ഒരു ഡെപ്യൂട്ടി കലക്ടർ, ഒരു ജൂനിയർ സൂപ്രണ്ട്, മൂന്ന്​ ക്ലർക്ക് തസ്തികകളും വാഹനവും അനുവദിച്ച് ഫയൽ റവന്യൂ വകുപ്പിന് സർക്കാർ കൈമാറിയതായി ഡീൻ കുര്യാക്കോസ്​ എം.പി അറിയിച്ചു. 2018ലെ മഹാപ്രളയത്തിനുശേഷം മറ്റ്​ ജില്ലകളിലെല്ലാം ദുരന്തനിവാരണത്തിന്​ പ്രത്യേക ഡെപ്യൂട്ടി കലക്ടറെ നിയമിച്ചെങ്കിലും ഏറ്റവും കൂടുതൽ പ്രകൃതി ദുരന്തങ്ങൾ ഉണ്ടാകുന്ന ഇടുക്കിയുടെ കാര്യത്തിൽ തീരുമാനമായിരുന്നില്ല. 2019 ജൂലൈയിലും കഴിഞ്ഞവർഷം ആഗസ്​റ്റി​ലും ഇക്കാര്യം ആവശ്യപ്പെട്ട് മുഖ്യമന്ത്രിക്കും റവന്യൂ വമന്ത്രിക്കും എം.പി കത്ത് നൽകിയിരുന്നു. കലക്ടർക്ക് ചുമതല നൽകിയാൽ ജോലിഭാരവും ഉദ്യോഗസ്ഥരുടെ അഭാവവും ദുരന്തത്തി​ൻെറ വ്യാപ്തി വർധിപ്പിക്കുമെന്നതിനാൽ അടിയന്തര നടപടി വേണമെന്നായിരുന്നു കത്തിലെ ആവശ്യം. 2018ലെ പ്രളയുവും 2020ലെ പെട്ടിമുടി ദുരന്തവും ഇത്തവണ കൊക്കയാറിലുണ്ടായ ദുരന്തവും ഇക്കാര്യത്തിൽ തീരുമാനമെടുക്കാൻ സർക്കാറിന്​ പ്രേരണയായി. `````````````````` മുല്ലപ്പെരിയാർ ഡാം: പ്രദേശവാസികൾക്ക് ബോധവത്​കരണം കുമളി: മുല്ലപ്പെരിയാർ അണക്കെട്ടിലെ ജലനിരപ്പ് 136.85 അടിയിൽ എത്തിയ സാഹചര്യത്തിൽ പെരിയാർ വില്ലേജിൽ പെരിയാറി​ൻെറ തീരപ്രദേശത്തുള്ളവരുടെ ആശങ്ക അകറ്റാൻ എൻ.ഡി.ആർ.എഫി​ൻെറ നേതൃത്വത്തിൽ ബോധവത്​കരണം നടത്തി. വികാസ് നഗർ, ഇഞ്ചിക്കാട്​ ആറ്റോരം, മഞ്ജുമല ആറ്റോരം എന്നിവിടങ്ങളിലെ വീടുകളിൽ ഉള്ളവർക്കാണ് പെരിയാർ വില്ലേജ് ഓഫിസർ സി. രാജപ്പൻ, എൻ.ഡി.ആർ.എഫ് ടീം കമാൻഡർ ടി. രാജൻ എന്നിവരുടെ നേതൃത്വത്തിൽ ദേശീയ ദുരന്തനിവാരണ സേനയും റവന്യൂ വകുപ്പും സംയുക്തമായി ബോധവത്​കരണം നടത്തിയത്​. ```````````` ചിത്രം TDL101 mullaperiyar മുല്ലപ്പെരിയാർ ഡാമിന്​ സമീപത്തെ പ്രദേശവാസികൾക്ക് ബോധവത്​കരണം നടത്തുന്നു `````````````````````` കെ.പി.എം.എസ് അംഗത്വ കാമ്പയിൻ തൊടുപുഴ: പട്ടികജാതി കുടുംബങ്ങളെ അറിയുന്ന സാമൂഹിക പ്രതിബദ്ധതയുള്ളവരെ അതത് പ്രദേശങ്ങളിൽനിന്ന് കണ്ടെത്തി എസ്​.സി പ്രമോട്ടറായി നിയമിക്കണമെന്ന്​ കെ.പി.എം.എസ് സംസ്ഥാന കമ്മിറ്റി അംഗം സാബു കൃഷ്ണൻ. ഒളമറ്റം ശാഖയിൽ അംഗത്വ കാമ്പയിൻ ഉദ്ഘാടനം ചെയ്യുകയായിരുന്നു അദ്ദേഹം. ശാഖാ പ്രസിഡൻറ്​ എം.കെ. നാരായണൻ അധ്യക്ഷതവഹിച്ചു. യൂനിയൻ സെകട്ടറി പ്രകാശ് തങ്കപ്പൻ മുഖ്യപ്രഭാഷണം നടത്തി. സജി കൃഷ്ണൻ, അമ്പിളി പ്രതീഷ്, ജില്ല മീഡിയ കോഓഡിനേറ്റർ യു.കെ. അനൂപ്, മജു, അശ്വനി എന്നിവർ സംസാരിച്ചു. ````` ചിത്രം TDL102 kpms കെ.പി.എം.എസ് തൊടുപുഴ ഒളമറ്റം ശാഖ അംഗത്വ കാമ്പയിൻ സംസ്ഥാന കമ്മിറ്റി അംഗം സാബു കൃഷ്ണൻ ഉദ്ഘാടനം ചെയ്യുന്നു